米角

Open Now

Now Closed

之前喺附近返工，耐唔耐都會幫襯吓米角。今日行過，見到有新嘢，仲要係我鍾意嘅溫泉蛋系列，梗係要支持吓啦！日式芝士漢堡扒海苔溫泉玉子丼火炙過嘅芝士焦香好引起食慾，用豬肉同牛肉製成嘅漢堡扒肉味濃郁，配埋自家製和洋風醬汁，酸甜開胃又解膩。我先將漢堡扒同漬物夾起，然後將蛋味濃郁嘅溫泉蛋、蔥花同高纖又健康嘅五穀米撈勻，一啖漢堡扒一啖飯咁食，勁滿足！雞肉軟骨鹿尾菜飯糰呢度飯糰嘅款式有好多，我最鍾意雞肉軟骨鹿尾菜飯糰。唔知大家有冇食過鹿尾菜呢？佢係黑色嘅，屬於海藻類，食落口感爽脆，配埋飯糰入面嘅枝豆、雞肉同雞軟骨，口感非常豐富之餘仲好有營養添！好欣賞呢度嘅紫菜係分開包裝，袋上面有圖畫教學，想食嘅時候先包紫菜，咁塊紫菜一定脆啦！因為丼飯係即時製作，店員話需要等大約10分鐘，我坐咗喺門口嘅枱度等佢製作，可能嗰陣時唔係好多人，佢整好咗之後好好人咁拎埋出嚟俾我，真係好貼心。