和藏 (Closed)

呢間餐廳壽司刺身小食炸身主食咩都齊晒，好正宗既日本餐廳。比較特別既壽司有和牛他他紫菜卷，呢個係和牛他他再加上其他自選食材，中意食咩就簡咩。先黎加上拖羅蓉+魚子醬+穴子，食到拖羅既肥美，魚子既咸鮮，軟嫩既穴子，幾重口感；而海膽+牡丹蝦就有海膽既滑身濃味同蝦既鮮滑；三文魚籽+帆立貝就食到粒粒分明既三文魚籽同爽甜既帆立貝！😎串燒都有好多唔同既款，牛舌芯，牛肩蔥間，封門柳，鰻魚呢啲都好出色，唔同既牛類串燒都充滿牛味，肉質好好，加上少少燒汁燒出黎既焦香，味道口感都齊晒，鰻魚都燒得好好，大大舊既鰻魚，皮脆肉嫩！🥸小食亦有唔同既款式，唐揚豆池魚同和牛可樂餅都好得，豆池魚細細條，炸完出黎完全唔會油淋淋，咸咸地好惹味，加上魚本身既鮮味，味道更濃；可樂餅都係外脆內軟架，餡料既和牛份量樂多，一咬就咬晒啲和牛出黎，和牛既香味係口腔滲出，肉質滑嫩！😙主食比較特別係燒和牛他他丼飯·醬漬蛋黃·海膽·三文魚籽，一個飯有幾重味道，和牛他他既牛味，蛋黃既蛋香，海膽既咸鮮，三文魚籽既咸香，全部都一流！😊