紅葉茶屋 (帝國中心)

Open Now

Now Closed

來自鎌倉嘅日本過江龍！一打開餐牌即刻俾佢嘅甜品吸引。（後來睇返日本店嘅社交平台，原來佢哋最出名係Tiramisu）趁住仲係下午茶時間嗌返個抹茶蕨餅新地tea set。再嗌多個特盛黑麻油濃厚豚骨湯拉麵tea set。下午茶時間有熱飲送，性價比特別高。我好鍾意佢哋嘅茉莉花茶係用茶壺上，真係有茶屋嘅感覺。抹茶蕨餅新地嘅雪糕特別香滑，加埋楓糖漿真係超級邪惡。抹茶雪糕都比起想像中濃郁好多。拉麵勁大碗，多肉多蛋又多紫菜。估唔到啲叉燒咁瘦又唔會嚡。之後再嗌多個火炙刺身三文魚茶漬飯（香濃蝦湯）、炸餃子同埋和風炸雞盛合（雞件/雞全翼）。可以當佢係刺身飯咁食，又可以加湯變成茶漬飯。亦都可以一半一半。不過我係堅定嘅茶漬飯派，直接加湯食。夏天無胃口會食茶漬飯，冬天想暖吓個胃又會食茶漬飯。三文魚好肥美好正！炸物嘅來貨質素幾高，價錢唔貴好滿足。