平成 (Closed)

和風居酒屋@尖沙咀依間居酒屋喺棉登徑，唔係好大間鋪，反而更加有日本小店 feel。水泥牆既簡約又有型，菜式好多種類，好唔錯～去居酒屋點日本生啤是常識吧，一點完店員即時喺啤酒機斟出嚟，味道甘香。原本酒泡係豐盈啲，不過我飲咗先影相，哈哈！泡菜炒五花腩比較濃味，充滿泡菜嘅酸辣。五花腩份量豐富，炒得惹味，送我杯生啤就最適合不過。大阪燒中間有牛肉做餡料，厚度適中，上面有超多美乃滋同紫菜！底面都有脆脆嘅口感，好食～雞肉好嫩滑多汁，醬油提味得嚟唔會過鹹，兩者好夾。大蔥切細一齊炒，入味之餘幾爽口。以平底煎鍋端上非常熱辣辣嘅芝士蔥蛋餅，蔥花多到不得了，賣相好吸引。蛋餅嘅芝士味幾濃，好似同啲蛋融合埋一齊咁。鰻魚丼都係加咗芝士去燒，火候啱啱好，燒得好靚！鰻魚軟滑好味，絕對冇畀芝士蓋過呢，整得好出色。