平成 (Closed)

搵食唔使飛去東京，尖沙咀就有寶藏居酒屋，實試過後，我嘅食指大動，忍唔住要同大家分享下。首先，個柚子乳酸梳打啱晒我呢啲鍾意微酸嘅食客，飲落去提神醒腦，夠曬潤喉。轉頭跟住點咗青檸梳打，喺嘴巴裡頭冒起泡泡，好似海邊嘅浪花噴上嚟，沁心涼。食物方面，華味鳥汁燒鷄肉脆骨棒真係好惹味，脆到禁聲，啖啖肉神驚記住嘅口感。牛肉大阪燒外層微脆，入面有牛肉嘅香濃同蔬菜嘅新鮮感，開胃到不得了。三重芝士蒽蛋餅一出爐，濃香四溢，芝士牽絲得嚟吸引，加上蛋餅嘅軟滑，喺嘴巴裡頭盡顯層次。最後，三文魚籽紫菜胡麻醬冷麵一啖一個涼意，麻醬味夠，三文魚籽每一粒都爆晒口，賞心悅目。成晚食完，心情好到飛起，這間居酒屋絕對係搵食好去處，香港街頭都有得嘆日本夜色，食客記得蒲黎試下，唔會失望嘅！🍢🍣🍶

尖沙咀棉登徑有好多餐廳，朋友介紹過來這間一試，喺棉登徑轉角位，⛩️⛩️⛩️木門加木牌裝飾，感覺就在日本的氛圍裡，別有一番風味。內部裝修有心思，好似返咗去古代日式餐廳，餐廳非常有格調，仲有Projectors播放YouTube。好特別。📣📣燒厚切鵝肝三重芝士葱蛋餅👏🏻口感豐富，非常Juicy，鵝肝非常肥厚，鮮嫩味美，油脂豐富入口溶化，營養豐富，為補血養生的最佳食物之一。👍🏻👍🏻燒牛舌口感爽脆、有咬口，調味好味，滋味一流。燒雞翼脆卜卜好入味，非常多汁，好好味。🤤🤤燒白鱔肉爽彈牙，肉質鮮嫩又香口。😍😍麻醬豆腐烏冬豆腐好滑，加埋麻醬十分開胃，烏冬好彈牙。👍🏻👍🏻👍🏻

今晚同朋友喺尖沙咀食完飯，想搵個地方傾下計，又唔想食甜品，朋友就建議黎呢間居酒屋，有得「啤一啤」之餘仲有d串燒食～地點都非常方便，就喺一蘭拉麵嘅隔離，我地叫左燒豬腩肉串同燒雞翼串，調味唔錯👍🏻亦燒得好香口，送酒一流～另外仲叫左一個明太子炒雜菜同廣島蠔芝士蛋餅，炒雜菜超好食，唔會太乾又唔會太濕，加上明太子嘅咸香好惹味😋同埋喺出面無食過嘅廣島蠔芝士蛋餅，廣島蠔份量唔少，而且隻隻都係新鮮飽滿嘅，鍾意食蠔嘅人士一定好鍾意👍🏻再加上無敵嘅芝士同蛋，真係無得輸！總括嚟講呢度地點方便，食物唔錯，選擇亦都好多，又可以飲下啤酒，食完飯除咗食甜品之外，去居酒屋同朋友嚟chill一chill真係一個唔錯嘅選擇👍🏻

呢晚同老公出去食飯，亂咁行，見到呢間日系門口思鄉病發，就決定係佢了幅牆係咁，勁有feel佈置係有落過心機，超鍾意，忍唔住係咁影明太子炒烏冬首先佢烏冬既煙un度係我最鍾意既，偏硬同有咬口，然後就係滿滿既明太子，目測不計成本咁車落去炒篤穿埋隻溫泉蛋撈呀撈，每一條烏冬都有蛋香同明太子鹹鹹鮮鮮的味道居酒屋唔整返杯啤酒會對自己唔住的鹽燒雞皮墨魚卷我愛雞皮，平時係串燒舗食到好味既雞皮已經滿足但呢到雞皮好食之餘，佢仲包住舊墨魚外皮脆脆然後咬入去係墨魚彈性既質感面上仲有一層薄鹽提味，檸檬汁做平衡食完之後基本上我係好感謝決定行入黎食野既自己燒厚切鵝肝三重芝士蔥蛋餅鵝肝配蛋餅，幾新奇，至少我未食過成塊蛋餅每一啖都食到芝士，但唔會覺漏，佢既芝士恰到好處而本身我都鍾意鵝肝細膩既油脂香，無諗到配蛋餅又試出一個新高度最後決定叫多串燒雞翼啖啖都係肉，簡單汁燒真係已經夠曬好食而家做緊個優惠係雞翼配啤酒呢個思鄉價真係抵俾

今日去左尖東K11附近搵野食，見到呢間日式居酒屋，裝潢風格充滿濃厚日本風情，就入去試下。餐牌選擇都幾多，仲有日文翻譯，牆上貼左餐廳推介既菜式實物圖，我哋都參考左，並點左以下食物：明太子雞翼：滿滿既明太子包住雞翼，炸得乾身，外脆內軟，雞肉嫩滑。燒白膳：魚皮燒到脆卜卜，魚肉肥美肉厚，燒到金黃色，串燒絕對係居酒屋既必食之選。 汁燒魷魚筒：魷魚筒原隻上，未食已經覺得好吸引，肉質爽口富彈性，味道鮮甜，灑上蔥花，更惹味。豚肉大阪燒：餡料有椰菜絲、章魚粒，面層就鋪滿紫菜絲、大阪燒醬、沙律醬、國產豚肉，令口感好有層次、好豐富，餅身唔算太厚，唔會覺得膩。小店對食物既用料配搭，一定有經過細心考量和試驗，令我哋可以細味食物本身既原味道，下次一定會再嚟試其他野。

今日去開K-11 買野 知道後街有好多餐廳 就決定試一試😚 角落位置係一蘭隔離有間日式餐廳 位置唔大 牆壁貼上好多唔同清酒🍶的貼紙 平日關係就冇點到清酒野飲 主要食燒物同埋壽喜燒 蒜香国產雞肝炒雜菌炒香的雜菌菇配上濃味雞肝 中和返個油膩感覺雞肝含鐵質份量唔少 其實都有營養價值 入口肉香都濃郁燒五花腩三重芝士蔥蛋餅三重芝士營造到拉絲效果 配上邪惡的五花腩蛋餅上的海苔粉調味 芝士控的好選擇三重芝士燒蟹肉松葉蟹蓋賣相精緻 去日本最喜歡點燒蟹蓋今次都唔例外 同時富有芝士口感 內裡蟹粉蟹膏都好濃味香口 安格斯牛小排壽喜燒最後點左一個壽燒鍋作結 豆腐嫩滑吸收左湯汁的濃味 配上娃娃菜和菇菌 關西風味的壽喜燒煮法 配上牛小排 牛小排肉質紋理都鮮明 牛香味亦足 都係一個唔錯的選擇總體黎講食物質素都唔錯 酒類飲品就未有一試

岩岩去完日本嘅吃貨嘉嘉真係好掛住家鄉，二話不說約咗朋友去日本居酒屋食飯🥹🐣🐮鹽燒雞胸骨 + 鹽燒M9和牛鹽燒雞胸骨調味恰到好處，雞胸骨黐住少少雞肉口感一流😋 M9和牛不會太油膩，牛味較重有咬口🐷汁燒明太子豚肉串燒到脆卜卜嘅豚肉加上咸解味嘅明太子好正呀！明太子份量好足，每咬一口都好多魚子係口入面爆發🤭🧇日本白飯魚大阪燒日本白飯魚一向係吃貨嘉嘉超級喜歡嘅食材，煎香嘅白飯魚更加係一流！大阪燒嘅用料都比得好足，唔會係成舊粉餅咁🥹🦪炸廣島蠔蠔味較重，脆漿亦唔厚

地方雖然唔大 得大約5張檯左右 成間鋪都裝飾得好日本氣息 好別緻 好warm 🥰同朋友黎傾計飲酒都會覺得好舒服🍺日本白飯魚大阪燒 $170 啖啖都係白飯魚嘅大阪燒 好特別嘅配搭仲有煎得燶燶哋嘅脆皮面 一啖裏面食晒白飯魚蛋同埋椰菜 yumm.ᐟ .ᐟ我哋仲叫咗汁燒雞軟骨棒$90😚好味三重芝士燒蟹肉松葉蟹蓋 $150 燒蟹肉成功成為今晚嘅MVP唔單止有芝士可以拉絲 仲要有勁多蟹肉每一啖都用芝士拉絲包住啲蟹肉 10級正😍經過居酒屋自己調味同埋燒完嘅蟹肉 冇腥味或者雪櫃味 亦保存咗蟹肉有嘅鮮甜好邪惡又勁滿足😆不得不提係依間店用嘅啤酒真係好好正即刻倒出嚟既日本啤酒 每啖都有綿綿既氣唔苦仲要易入口 主要係crisp 味🍃平時唔好啤酒嘅我都覺得好飲 成杯好快清曬😆下次黎會想試埋其他酒精飲品😋

今日想食日本野見到呢間咁多好評就試下，果然好有日本feel，食物都高質素👍🏻味噌廣島蠔三重芝士蔥蛋餅首先試呢度出名嘅三重芝士蔥蛋餅，食落勁濃芝士味有拉芝，蛋亦都做到少少流心，而蠔嘅份量都幾多，佈滿咗成個蛋餅，粒粒都脹卜卜同埋唔會腥，面頭啲蔥輕輕調味令成份蛋餅更惹味燒黃花魚一夜干一夜干好似比較少見，雖然係比海鹽醃製過，但鹹度適中完全無蓋過左魚本身嘅鮮味，再加上燒完令到魚嘅皮脆口但肉都keep到嫩，骨唔算好多，點埋小店自製嘅醬料魚鮮味更出～鹽燒提子五花腩卷呢款好有驚喜，估唔到提子同五花腩係咁match🤣提子本身酸酸甜甜同埋多汁，咁岩中和左比較乾身嘅五花腩，另外提子偏軟，五花腩就燒到脆口，所以食落都好有口感，感覺上無淨係食五花腩咁油膩鹽燒牛舌粒燒到恰到好處，牛舌粒完全唔會韌，入口鬆化，表面微燻，食落香口又唔會蓋過左牛舌本身嘅味～另外而家做緊promotion，$80有一串手羽先燒同一杯啤酒，先唔講價錢好平，雞翼同樣好有風味，雞皮脆口，而雞肉滑身，只有輕輕鹽嘅調味，食到雞嘅原汁原味啤酒都大杯，最岩當宵夜或者想搵個地方同朋友吹水食下小小野～

一蘭拉麵隔離有間骨緻的日本居酒屋，第一眼見到就好有feel，果斷入店。店裏牆上貼滿了日本酒的酒標，好特別。串燒點佐鹽燒雞胸骨、汁燒雞翼以及五花腩。雞胸骨一串有四塊，口感爽脆，又唔會好似雞軟骨咁硬，上面仲有絲絲雞肉，鹹味恰到好處，抵讚。汁燒雞翼切開佐燒，好方便食。皮卜卜脆，好香，肉又唔會乾柴，趁熱食好味😋燒五花腩，每塊都肥瘦相間，擠幾滴檸檬汁，完全唔會肥膩。燒厚切鵝肝三重芝士雞蛋餅，鵝肝煎得兩面金黃，味道好香，先切開一小塊試試，好嫩且質感柔軟，入口融化，是鵝肝獨特的濃郁豐碩的味道。雞蛋餅上除左有鵝肝仲有蝦米蔥花。切開雞蛋餅見到拉絲的芝士，用料好足。蛋餅都幾厚，加埋三重芝士，好滿足。豚肉大阪燒，超正餡料足，唔會太多粉，面上鋪了一層色拉醬同紫菜，味道豐富。最後當然不能少啤酒🍻Happy Wednesday！

今日去左尖東站附近食日本野。呢間餐廳有D似傳統日本家庭式小店，座位不多，牆上貼滿不同品牌日本酒既貼紙，加上木架上一枝枝既日本酒，真係有種以為自己去左日本既感覺。餐牌選擇不多，証明小店對食物品質有要求，確保食材新鮮。芥辣八爪魚凍豆腐：豆味香濃，非常滑溜，芥辣配上日本製醬汁，唔會有攻鼻既感覺，八爪魚爽口彈牙。鹽燒日本五花腩：串燒一定係居酒屋必點，五花腩油脂分佈平均，肉質Q彈，燒到黃金焦香，見到都流口水。味噌廣島蠔三重芝士蔥蛋餅：成份用鐵板上，熱辣辣，灑滿蔥花，切開既時候，仲有拉絲效果，而且蛋香味十足，廣島蠔味道鮮甜，大大隻，份量仲唔少。安格斯牛小排壽喜燒：個鍋係連埋個火爐一齊上既，鋪滿安格斯牛在最上面，賣相已經好吸引，壽喜燒配料好多，令成個汁好味到想加碗飯撈黎食。日本生啤而家仲做緊買一送一，梗係要飲番杯，不過因為今日要揸車，所以要一杯輕嚐一口吧。整體來說，小店對食物製作態度認真，每樣食物都會向我們介紹，水準亦都好高，下次經過一定會再嚟支持下。

Yeah! 位於尖東好有日本風的居酒屋平成 (尖沙咀)地址： 尖沙咀棉登徑8號凱譽地下17號舖喺尖東地鐵站🚉出口過去會方便過喺尖沙咀地鐵站出🙂 但喺K11 過去就超級方便！是日同朋友喺K11 shopping 完，想揾一個靜啲既環境輕鬆一下喺K11 出咗，行到棉登徑，好快就見到呢間叫平成既居酒屋🏮，我地見到而家餐廳仲做緊啤酒買一送一優惠岩哂三五知己黎把酒言歡我地兩個人叫咗- 加茂錦 荷札酒 紅桔梗 純米大吟釀 生酒呢個我無飲過🫢 但睇落唔錯，你地自己黎試下啦🤭🤭- M9 和牛份量好足，每粒和牛中間有唔少脂肪😚 唔會太「鞋」- 燒白膳一客有兩串！ 無記錯好似$200一客，白膳肉好厚肉大片，燒得唔錯，但要注意有少少骨，食時要小心少少🤓🤓好抵食- 豚肉大板燒呢個超級正呀！有驚喜！ - 三重芝士燒蟹蓋食得出係用松葉蟹蟹蓋 整的唔錯！推介！- 雞腎正常🤪🤪 我唔係好鐘意食內臟，朋友食哂兩串

放寬0+3 後係好開心好快有得返鄉下🇯🇵點解d 機票勁貴再等下先諗起日本小店味道為有同朋友搵下小店幫襯吓呢間小店裝修好有日式風格真係置身係日本😍呢間小店係尖沙咀小街入面唔難搵嘅就係一X 麵隔離我地大約六點去到所以唔太多人😬坐低睇吓有咩飲先店員介紹日本啤酒"suntory draft beer"因為做緊推廣**一送一**全日供應逢星期六至四👍🏻😬真係勁抵👍🏻我地更係叫啦👉🏻鹽燒M9和牛串燒😋肉身大約係一口牛厚度送啤酒一流🍻👉🏻鹽燒雞肝係香港都好少有得食👉🏻鹽燒明太子雞翼雞翼上面滿滿鋪了好多明太子👉🏻松葉蟹肉大阪燒😋👉🏻味噌花甲花早煮得剛剛好👉🏻三重芝士燒豬腩肉蛋餅芝士有拉絲豬腩肉有d 軟骨脆脆地😋

一見到門口格局~唔講以為去咗日本旅行！佢嘅門面裝修深深吸引住我去嘅原因！更加想試埋店舖內的食物，所以實行今晚book定位當去咗日本食一餐🍽🍴🥄🥢店內環境好日系風格~不錯！不錯！晚市menu都有很多選擇！例如：串燒、鍋物、日本酒及飲品！大阪燒，等等・・・十足十日本居酒屋呀！日本酒720ml $800未有得去日本~唯有將旅行錢好好order一支日本酒！彷如自己置身於日本！一於與朋友享受一下吧！酒~味道香濃！易入口！店長細心提供靚酒杯打下卡tim😍🍶🥃🥂梅酒番茄 $40整個蕃茄去皮後浸梅酒！很特別及好開胃！除食到番茄酸味更嚐到梅酒的甜酸梅味！令人醒神！🍅🍅🥃 加多個薯仔沙律做前菜🥔🥔🥒🥒Yummy!三重芝士燒蟹肉松葉蓋 $150蟹蓋內有很多濃郁蟹肉及蟹膏！上面鋪滿三重芝士，口感非常豐富！芝士味濃！食完一啖忍不住再食多啖🧀🦀🧀🦀🧀燒厚切鵝肝芝士蔥餅 $180一出爐店主好細心叮囑一定要*食佢先*因熱辣辣夠曬好味！蛋味重，芝士份量極多，睇幅相都知啦！呈拉絲效果~配埋厚切鵝肝~無得輸！🧀🫓🧀🫓安格斯牛小排壽喜燒 $280成窩壽喜燒湯汁美味，甜度適中，一邊新鮮火爐煮牛小排、金菇、白蘿蔔及日本豆腐~各樣

香港食肆大多數都係連鎖店，隱世小店美食已經係少之又少。今日行過尖沙咀，竟然俾我搵到間日式居酒屋，當然又要發揮我嘅本色尋下寶啦~舖頭面積唔大，但到處都有啲心思位，一入去就好似返咗轉家鄉日本咁🇯🇵。坐喺我偶像工藤靜香嘅海報隔離，聽住歌點菜更加別有一番風味。今次一共點咗五道菜同生啤 (去居酒屋前菜小食同啤酒先係重點):- 芥辣八爪魚豆腐: 八爪魚好彈牙，個汁微酸配滑潤既豆腐非常之夾。清爽之選，最啱就配串燒食。- 燒白鱔兩本: 上乘品質，肉質彈牙、厚肉，實在值回票價。加上喺香港食串燒唔係道道都有得食白鱔，黎到一定要試吓。- 鹽燒雞皮兩本: 又係特色美食，燒完即食十分香口，送酒確係一流。- 燒五花腩三重芝士蔥蛋餅: 呢間店嘅招牌菜，亦都係我覺得最好食嘅一道菜。出爐之後外脆內軟，芝士煙肉味香濃，口感煙韌，食落會拉絲，亦都好有飽肚感，讚。- 味噌醋魷魚甘辛鍋: 原條魷魚上鍋都幾壯觀，加上估唔到日式料理都可以咁辣，呢道菜幾有驚喜，值得一試。- 生啤 - 買一送一: 居酒屋當然要飲酒啦，買一送一就可以暢快咁飲番幾杯🥴全晚又食又飲，居酒屋果然都係同friend去最開心，尖沙咀又多個聚腳點可以啤一啤啦~🍻🍻