京林屋 (希慎廣場)

Open Now

Now Closed

晚餐時只有一兩枱，食評見唔錯，照試下。侍應安排我地可揀有間隔開的用餐位，自成一角，更暢所欲言。座位、燈光均舒服。試左兩份餐+一份甜品都幾美味。1.林屋和食料理食物精緻，有鯖魚、元貝、魚干、魚蛋片、木耳絲、玉子、蟹子魷魚粒。飯有點干身，但配搭餸菜都幾好食，餸菜清新，每種都係少少甜，非常開胃。仲有碟酸蘿蔔更醒胃。麵豉湯唔會太鹹。2.稻庭麵麵質較幼身，但卻唔會太淋易斷，非常爽滑。湯汁偏清，嚐麵時伴湯吃完整碗也不會鹹，抵讚。仲有兩大片魚肉片。3.玫瑰蘋果煎茶（溫）聞一聞已有很清香蘋果味。飲落又唔會太濃，幾清新。飲之前上碟亦有沙漏計時確保有足夠浸泡時間。4.桃味焙茶（溫）白桃味很香，加水沖4至5次仍有淡淡白桃香味，依然清新。5.焙茶卷蛋蛋糕清香，中間有滿滿焙茶味餡料。雪糕、紅豆也清甜。$88價格有點高。主食飯麵只有幾款如下。甜品則很多款式以下不能盡錄。部份餐牌：整體所有食品行清新路線很好吃。