Video
Read full review
2018-09-27
26 views
收工約咗人去將軍澳睇戲，喺開場之前梗係要醫飽個肚，附近都有唔少好嘢食，就好似呢間精緻得嚟又唔太貴嘅麻布茶房， 而且佢有唔少甜品同雪糕，最啱就係一啲好鍾意食甜品嘅女仔。晚餐都有唔少選擇，我哋首先叫咗兩款嘅小食試下，一個就係雜錦天婦羅，有海蝦同埋唔同嘅蔬菜，就好似茄子、南、青椒等等，非常新鮮熱辣，而且個皮好脆好香口，但係唔會太厚粉，加埋個天婦羅汁，唔會太油膩又夠香口。天婦羅汁可以加少少蘿蔔蓉，會更加清新爽口。另外仲叫咗個串燒拼盤，有四款唔同嘅串燒，肉方面有牛肉同雞肉粒，菜方面就有秋葵同冬菇。 每件串燒上面都加咗燒汁，非常惹味。而我比較欣賞佢嘅秋葵同燒冬菇，燒得非常夠乾身，但又吸收曬啲燒汁味。主食方面我哋各自嗌咗兩個安格斯牛肉火鍋， 唔同嘅只係湯底，我就嗌咗泡菜湯底，朋友就嗌咗壽喜燒湯底，兩款嘅味道都唔錯，不過壽喜燒嘅醬油味比較甜，所以我都係鍾意泡菜湯多啲。而且牛肉嘅肉味都幾香，但係唔會太肥，入口都幾嫩滑。最值得一讚既係每個餐跟咗隻生雞蛋，非常香蛋味，用嚟撈豉油或者打落個湯食都一流。我哋都冇選擇到白飯，而係揀咗烏冬，同埋好特別嘅屏屏麵。兩者面則都有啲相似，唔同嘅只係闊度，屏屏麵比較闊身，入口
晚餐都有唔少選擇，我哋首先叫咗兩款嘅小食試下，一個就係雜錦天婦羅，有海蝦同埋唔同嘅蔬菜，就好似茄子、南、青椒等等，非常新鮮熱辣，而且個皮好脆好香口，但係唔會太厚粉，加埋個天婦羅汁，唔會太油膩又夠香口。
天婦羅汁可以加少少蘿蔔蓉，會更加清新爽口。
另外仲叫咗個串燒拼盤，有四款唔同嘅串燒，肉方面有牛肉同雞肉粒，菜方面就有秋葵同冬菇。 每件串燒上面都加咗燒汁，非常惹味。
而我比較欣賞佢嘅秋葵同燒冬菇，燒得非常夠乾身，但又吸收曬啲燒汁味。
主食方面我哋各自嗌咗兩個安格斯牛肉火鍋， 唔同嘅只係湯底，我就嗌咗泡菜湯底，朋友就嗌咗壽喜燒湯底，兩款嘅味道都唔錯，不過壽喜燒嘅醬油味比較甜，所以我都係鍾意泡菜湯多啲。
而且牛肉嘅肉味都幾香，但係唔會太肥，入口都幾嫩滑。
最值得一讚既係每個餐跟咗隻生雞蛋，非常香蛋味，用嚟撈豉油或者打落個湯食都一流。
我哋都冇選擇到白飯，而係揀咗烏冬，同埋好特別嘅屏屏麵。
兩者面則都有啲相似，唔同嘅只係闊度，屏屏麵比較闊身，入口就比較吸味，烏冬食落就比較滑。
仲叫咗杯巨峰乳酸，都幾清新。
最後當然唔少得我最期待嘅甜品啦我哋就嗌咗兩杯新地分別係芒果同埋士多啤梨 有唔少生果喺上面有桃、杏脯、士多啤梨等。
不過感覺上芒果新地比較抵食，因為芒果新地會跟一球芒果雪糕，但係士多啤梨新地就跟一球雲呢拿雪糕，有啲傷心。
總括嚟講都係唔錯，想近近地方便咁食日式料理，都可以一試。
Post
