Video
Read full review
2021-03-24
2635 views
早幾日試過上環一家叫LeeLaksa既新加坡菜館，原來係北角匯都有一間分店，個名叫咖吔。呢度下午2點就有茶餐，好抵食。茶餐選擇好多，有好多款飯麵，沙律，多士及小食，配冷熱飲品，設有加一服務費。上次試過新加坡喇沙米線同李派海南雞飯拼白胡椒肉骨茶，今次決定試下新野先。檳城蝦麵 $66+10%檳城蝦麵有兩款麵，分別係幼幼既米粉同少少粗既黃色麵，俾你雙重口感。個湯明顯用蝦殼煲，好清，完全無油。配料有兩隻中蝦，去左殼，一開二，好易食，都好爽脆下；三塊脆口豬味濃既豬腩片；四件豆腐卜；半隻好甜滑既糖心蛋；芽菜同葱花。我自己重口味就鍾意喇沙多d，但係喜歡健康人士可以揀呢個。馬來炒貴刁 $78+10%馬來炒貴刁 用一個鑊仔上，不過個鑊仔唔熱既。又係有兩款麵，分別係河粉同少少黃色麵，口感特別。同粉麵撈埋一齊食有好多煙煙韌韌既煙熏豬肉臘腸片，仲有脆口芽菜同洋蔥絲增添口感。我鍾意撈埋所有既花生碎同河粉一齊食。河粉既調味幾好，夠惹味又唔過份。如果想加辣，可以加碟邊既辣椒粉，都幾辣架。其他配料有剝殼蝦三隻，較為硬身既魷魚，蛋絲，青瓜，車厘茄同青檸。呢個食落都幾heavy，建議好似我地兩個人share。呢兩份粉麵既
茶餐選擇好多，有好多款飯麵，沙律，多士及小食，配冷熱飲品，設有加一服務費。上次試過新加坡喇沙米線同李派海南雞飯拼白胡椒肉骨茶，今次決定試下新野先。
檳城蝦麵 $66+10%
檳城蝦麵有兩款麵，分別係幼幼既米粉同少少粗既黃色麵，俾你雙重口感。個湯明顯用蝦殼煲，好清，完全無油。配料有兩隻中蝦，去左殼，一開二，好易食，都好爽脆下；三塊脆口豬味濃既豬腩片；四件豆腐卜；半隻好甜滑既糖心蛋；芽菜同葱花。我自己重口味就鍾意喇沙多d，但係喜歡健康人士可以揀呢個。
馬來炒貴刁
$78
40 views
0 likes
0 comments
馬來炒貴刁 $78+10%
馬來炒貴刁 用一個鑊仔上，不過個鑊仔唔熱既。又係有兩款麵，分別係河粉同少少黃色麵，口感特別。同粉麵撈埋一齊食有好多煙煙韌韌既煙熏豬肉臘腸片，仲有脆口芽菜同洋蔥絲增添口感。我鍾意撈埋所有既花生碎同河粉一齊食。河粉既調味幾好，夠惹味又唔過份。如果想加辣，可以加碟邊既辣椒粉，都幾辣架。其他配料有剝殼蝦三隻，較為硬身既魷魚，蛋絲，青瓜，車厘茄同青檸。呢個食落都幾heavy，建議好似我地兩個人share。
呢兩份粉麵既分量基本上係午餐既分量，但係價錢平好多，真抵食！
斑蘭咖吔多士
$36
37 views
0 likes
0 comments
斑蘭咖吔多士 $36+10%
斑蘭咖吔多士細細份，不過多士烘得香脆，加上厚厚既牛油同斑蘭咖吔醬，甜甜地好好味！
跟餐飲品都有幾款揀。桔仔話梅冰（左）可揀熱或凍，我地揀左凍。雖然桔仔味唔重，d桔仔皮沉係底，但係話梅味夠照，味道唔錯。真係有一粒話梅，我都食左，果然係大大粒核既真話梅。香茅青檸荔枝梳打（中）有微弱既荔枝味，完全唔甜，係一杯清爽健怡飲品。香茅橙茶（右）可揀熱或凍，我地揀左凍。我地都同意呢杯最好飲，因爲香橙甜味好好，茶味唔太濃。
兩個人食到飽飽都唔洗$200。唔怪得呢度兩點幾都仲要排隊。裝修都幾骨子，職員全部着住東南亞風味既制服。上菜快速，適合繁忙既返工人士。
Post
