真妮 (Closed)

今日去咗寶琳行街，上次試過一次真妮覺得幾好食，今次再試多次，兩個人，黎一個咖喱之夜，首先嚟咗一個咖喱蛋包飯配吉列豬扒，吉列豬扒炸到脆卜卜，入面又唔會嚡柴柴，非常好食。另一個欣賞嘅地方就係夠多咖喱汁，食飯最鍾意就係撈勻晒所有汁，唔驚太乾。另外，咖喱雞pizza係一個亮點，原本聽個名覺得好奇怪，想像唔到咖喱雞同Pizza點配，點知食落口又出奇地好食，唔會太辣，非常之夾，而且佢係即叫即做，餅底非常之香脆。個人覺得咖喱雞Pizza係必食之選。另外再叫咗兩個小食，明太子雞翼同埋自家炸雞，兩個小食都非常之香脆可口。嘢飲方面，叫左青檸熱情果梳打同埋士多啤梨益力多，青檸熱情果嘅味道，剛剛好，而士多啤梨益力多既益力多味唔會搶咗果汁嘅味道，可以一試。