咖喱煲 (Closed)

同老友記好耐冇見，當晚大家都有忽然想食額什米爾式薄餅(Kashmiri naan)，就走左去軒尼斯道搵一間東印度餐廳，點知已經執左笠，唯有去後一條街的咖哩煲。呢間咖哩煲其實開左好多年，但一直不曾試過，因緣際會就來試下。一上樓就遇見openrice的兩位食友，真係巧合之極。坐低叫左腰果咖哩蝦(prawn korma)、馬沙拉燉羊肉(lamb masala)、額什米爾式薄餅同洋蔥小茴香子飯。腰果咖哩蝦有四隻大大的蝦仁，新鮮爽甜，配腰果煮的咖喱汁係非常合拍，好味；馬沙拉燉羊肉的咖哩汁雖然冇食開果種咁香，但羊肉燉得好腍，味道都唔錯，如果辣一點就更佳；薄餅一睇賣相就知唔得，切成細細四件，質地略濕，加上用的雜果竟然係超甜紅車厘子同椰絲，味道實在令人失望，不過又不至於難食啦﹝naan好難整得難食咯﹞；洋蔥小茴香子飯非常美味，主要歸功於小茴子的獨特香味，飯係用長米煮的，不過又唔係印度果隻特別幼身的品種。最後有敬送的甜品兩件，外型係淋上朱古力醬的炸角仔，味道係一如所料的難食，中間係甜椰絲餡，凍凍濕濕咁─中東的甜品實在好少好食的，不過又唔駛難食到咁！總括來說，呢度環境算唔錯，重有個細細地的露台，食物水準亦