49
27
11
Level4
184
0
咖哩正呀~
2004-01-11 20 views
咁歷史猶久既餐廳竟然無人做過食評..佢可能因為附近都係d 黃色招牌同比較靜既關係啦..好細個爸媽己經帶我黎食架喇,每次都係咖哩牛脯飯~由佢地燈光昏暗,食到家下燈火通明(可能想翻新間鋪),都有十餘年..今日忽然掛住佢地既馬來大餐,就同女友黎撐下檯腳..女友要左芝士海鮮焗飯連湯同飲品,味道唔錯~不過無咩特別..而我要馬來大餐:白湯,豬牛串燒各兩串,蝦參乜同咖哩牛脯連茶$65,足夠食到捧腹而回..呢度既白湯大碗夠熱夠杰又夠味,咁簡單既要求其他茶?廳都遺忘左喇..豬牛串燒唔知係咪真係即燒,不過反正就係整得好夠味,點埋?地既沙嗲醬,都幾得架~(d 醬幾油下..)食完碟邊有d 碎菠蘿,唔錯~蝦參乜本人就麻麻地..酸酸maymay 咁囉~有蝦有d 洋青椒咁..ok既,不過我通常食完蝦就算,因為驚食唔落碟飯..最後主角咖哩脯飯真係一流~雖然佢係細碟版(假如你唔係要餐就係大碟),但係都好夠食...炒飯底,咖哩汁用馬來做法,加左椰奶入去,食落口又香又滑..幾好味~牛脯就普通淋,不過一定唔會實掘掘..最正係牛筋,軟硬度剛好..正~當然,每次都會問待應拎多碗咖哩汁黎撈飯~好味道~最後飲番杯凍啡...飽到即刻想
Read full review
咁歷史猶久既餐廳竟然無人做過食評..佢可能因為附近都係d 黃色招牌同比較靜既關係啦..
好細個爸媽己經帶我黎食架喇,每次都係咖哩牛脯飯~由佢地燈光昏暗,食到家下燈火通明(可能想翻新間鋪),都有十餘年..
今日忽然掛住佢地既馬來大餐,就同女友黎撐下檯腳..
女友要左芝士海鮮焗飯連湯同飲品,味道唔錯~不過無咩特別..
而我要馬來大餐:
白湯,豬牛串燒各兩串,蝦參乜同咖哩牛脯連茶$65,足夠食到捧腹而回..
呢度既白湯大碗夠熱夠杰又夠味,咁簡單既要求其他茶?廳都遺忘左喇..
豬牛串燒唔知係咪真係即燒,不過反正就係整得好夠味,點埋?地既沙嗲醬,都幾得架~(d 醬幾油下..)食完碟邊有d 碎菠蘿,唔錯~
蝦參乜本人就麻麻地..酸酸maymay 咁囉~有蝦有d 洋青椒咁..ok既,不過我通常食完蝦就算,因為驚食唔落碟飯..
最後主角咖哩脯飯真係一流~雖然佢係細碟版(假如你唔係要餐就係大碟),但係都好夠食...炒飯底,咖哩汁用馬來做法,加左椰奶入去,食落口又香又滑..幾好味~牛脯就普通淋,不過一定唔會實掘掘..最正係牛筋,軟硬度剛好..正~當然,每次都會問待應拎多碗咖哩汁黎撈飯~好味道~最後飲番杯凍啡...飽到即刻想訓番粒鐘先走呀..
ps:不過呢度個老細將舊既老待應炒剩一個,換左幾個大陸女人黎做waitess,唔係咁得,因為佢地真係冇咁醒目(並唔係歧視,只係實話實說)~
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Taste
Decor
Service
Hygiene
Value