龍城冰室

Open Now

Now Closed

終於有翻堂食同gym做，今日準時收工就同男朋友飯個飯再做gym，之後再去行下街。呢度既咖哩之前食過夠香又夠辣，係gym附近有就決定黎食個快飯。叫左個咖哩羊架飯，咖哩一如既往甘香，濃郁同香辣，撈飯食真係一流！如果有胃口既，可以加個奶油脆豬黎配食，真心正！羊架好大件，煎得岩岩好，好易咬，冇一般茶餐廳食到既雪味，亦冇騷味！肥膏既位置係最香最正！另外叫左個堂餐，豬扒唔難咬，亦夠厚身，份量都有2大塊，非常佛心🤪🤪🤪配左炒蛋，好香滑，唔會過熟！配既脆豬煉奶俾得夠，唔會乾，用黎掂個咖哩真心夾！不過個湯麵就有小小太濃味，如果淡d會好好多！真心呢間餐廳選擇多，又唔會太貴，高CP值，值得再黎食！