Black Sugar Coffee

Open Now

Now Closed

喺奧運站附近返工，而且返得比較早，所以朝早買杯咖啡的選擇都唔多。來來去去都係M記咁。呢次遲咗出門，行去M記時見到呢間舖開咗門，就去試吓啦。真的好後悔囉。杯咖啡本身就好一般，價錢值唔值就見仁見智，唔講喇，但係服務真係超級差。唔知係唔係因為仲早，店員預計無客掛，我企喺counter前想落order成兩、三分鐘都無人理。店員仲喺counter度唔知整理啲咩 (係，有人喺counter但係就唔理你)。我都無摧佢，由得佢執完嘢先啦。之後有另一個店員 (唔係counter個位) 黑曬面咁走過嚟問我要咩。好啦，落order，然後黑面店員就去整咖啡，之後counter個位店員先向我收錢。成個過程店員係一句「你好」「多謝」都無，反而係我講「唔該」，好似我欠咗佢地咁 (突然覺得M記啲服務其實好好)。真係永無下次。