黑麥 (Closed)

今日特登過黎天后黎試下黑麥。 佢個餐牌唔知點解係原子筆手寫，好搞笑叫左lunch special 三文魚天使麵，加$30可以轉combo，有咖啡、湯及麵包。首先上嘅係羅宋湯及蒜蓉多士。蒜蓉多士超級好食， 熱辣辣上枱，亦烤得十分香脆及香口。通常太趣嘅多士都會覺得好乾，但係呢度除得來入邊係唔乾，所以真係好好食。唯一可以再好啲嘅係，雖然我見到係有黑麥多士同埋白麵包，但食落去就無乜黑麥嘅香味，可能係蒜蓉味搶晒。佢個羅宋湯都好足料，不過我唔係羅宋湯的粉絲，所以冇特別喜愛。之後亦都想做天使面嘅主菜。老實講，呢個意粉賣相很一般，三樣嘢分到好開，亦唔係特別靚。不過味道方面，烤蔬菜好有驚喜，唔知係咪用咗牛油去煎，所以特別香口。至於天使麵撈咗忌廉香草醬，亦都好好味。反而覺得三文魚煎得好一般，有點過熟，冇嗰種外脆內軟juicy的感覺。最後係我冇影到嘅跟餐熱咖啡，但係超級好飲！ ！ ！唔知大家有冇試過elements Hageten嘅炭烤咖啡，佢呢度嘅熱咖啡加咗少少奶就完全係果一隻味。味道相當之濃郁，好有咖啡香，味道亦不會過酸。