Video
Read full review
2023-04-18
101 views
♧ 𝙱𝚒𝚜𝚝𝚛𝚘 𝙻𝚎 𝙿𝚊𝚛𝚒𝚜𝚒𝚊𝚗 成日行過，APM都會見到Cupping Room，但係又好少咁有閑情逸致會坐低飲杯咖啡。今日晚飯時間又諗住過嚟APM食，先發現原來係呢間Cafe入邊隱藏咗間法國餐廳！而且價錢仲要唔算好貴，所以我哋就決定要試吓！一坐低見到餐牌呢個四道菜晚市套餐($198/set)，我哋就決定咗要叫🤭Dinner Set最啱就係我哋呢啲懶人🤭🤭♥︎是日餐湯-粟米濃湯本身粟米顏色鮮艷，再加埋少少忌廉，令到呢個湯嘅賣相唔錯，當然佢都係啖啖的粟米香味喇！頭盤♥︎煙三文魚蒜蓉檸檬汁羽衣甘藍沙律呢個沙律好fresh，加埋有少少鹹香嘅煙三文魚同埋有檸檬汁吊味，令到佢嘅味道好有層次♥︎香草牛油脆田螺配薯蓉（+$28）薯蓉入面有好豐富香濃嘅香草牛油香味，而且薯蓉本身好滑身，入口即溶嘅感覺令到人一試難忘。田螺亦都係十分新鮮，亦都沾上咗少少牛油香味主菜♥︎ 經典牛肉漢堡配薯條呢個牛肉漢堡扒比想像中厚身，而且仲保留左牛肉嘅肉汁，唔會過分調味。另外佢嘅漢堡材料亦都好豐富，仲有比較少見嘅菠蘿！♥︎澳洲和牛牛扒（M5)配薯條（+$48）廚師推介牛扒要七成熟先好食，平時我哋一般食開五成熟，不過今次都試一
成日行過，APM都會見到Cupping Room，但係又好少咁有閑情逸致會坐低飲杯咖啡。今日晚飯時間又諗住過嚟APM食，先發現原來係呢間Cafe入邊隱藏咗間法國餐廳！而且價錢仲要唔算好貴，所以我哋就決定要試吓！
一坐低見到餐牌呢個四道菜晚市套餐($198/set)，我哋就決定咗要叫🤭Dinner Set最啱就係我哋呢啲懶人🤭🤭
♥︎是日餐湯-粟米濃湯
本身粟米顏色鮮艷，再加埋少少忌廉，令到呢個湯嘅賣相唔錯，當然佢都係啖啖的粟米香味喇！
頭盤
♥︎煙三文魚蒜蓉檸檬汁羽衣甘藍沙律
呢個沙律好fresh，加埋有少少鹹香嘅煙三文魚同埋有檸檬汁吊味，令到佢嘅味道好有層次
♥︎香草牛油脆田螺配薯蓉（+$28）
薯蓉入面有好豐富香濃嘅香草牛油香味，而且薯蓉本身好滑身，入口即溶嘅感覺令到人一試難忘。田螺亦都係十分新鮮，亦都沾上咗少少牛油香味
主菜
♥︎ 經典牛肉漢堡配薯條
呢個牛肉漢堡扒比想像中厚身，而且仲保留左牛肉嘅肉汁，唔會過分調味。另外佢嘅漢堡材料亦都好豐富，仲有比較少見嘅菠蘿！
♥︎澳洲和牛牛扒（M5)配薯條（+$48）
廚師推介牛扒要七成熟先好食，平時我哋一般食開五成熟，不過今次都試一試七成～竟然俾我哋平時食開嘅5成仲腍身，一啲都唔會靭。
甜品
♥︎巴斯克芝士蛋糕（+$32）
呢個巴斯克芝士蛋糕打得好香滑，咬落去口感軟綿綿，亦都唔會覺得太甜
♥︎朱古力心太軟（+$58）
心太軟製作時間會稍為長少少，但係可以食到咁多流心朱古力嘅心太軟都值得！
@bistroleparisien.hk
💰人均消費：約$350
📍觀塘觀塘道418號創紀之城第五期（APM)大堂高層15號舖
Post
