牡丹咖啡

Open Now

Now Closed

尋日同姊妹揾地方hea，黎左呢間小店。佢既招牌咖啡係少數我呢位好少飲咖啡既姊妹會飲同推介既咖啡。我叫左杯熱既招牌咖啡，姊妹叫左凍既。其實凍熱都好香好飲，不過我呢啲中女，已經習慣咗飲熱野養生🤣同埋本身都覺得咖啡真係熱既特別香。另外見呢度個menu除咗好多唔同既咖啡揀之外，重有好多款式既蛋糕，三文字，飛碟，小食，甚至意粉選擇。小店真係只得幾個坐位，完全想像唔到個menu可以有咁多野，佩服。最後揀左件瑞士朱古力脆沙，姊妹就照舊食返佢個野菌批。野菌批我試左一啖，味道幾好批皮幾香，不過就算唔上驚喜。我件脆沙個樣好homemade(事實上呢度啲野就係好homemade😂) 好濃朱古力味，中間重有粒粒脆脆既口感，成件事就無咁膩。呢度雖然細，但呢啲街坊小店feel真係買少見少，而且呢度做嘢嗰位姐姐重好有禮貌，令人感覺好好，Weekday既下午兩姊妹來飲杯咖啡傾陣計，係幾舒服既。