檀島咖啡餅店 (海悅豪園)

Open Now

Now Closed

檀島嘅多層酥皮蛋撻我一向都好鐘意食，但最近我哋嚟嚫都係為咗食午餐，雖然職員態度麻麻，但味道都唔錯，除咗價錢平，仲好快，坐低職員送埋餐，但想坐耐少少傾計就唔係咁適合喇，因為堂食地方細座位少好多人等位。挪威煙三文魚野菌忌廉炒意粉，有兩塊好薄又大塊嘅煙三文魚，濃厚嘅忌廉汁啱啱收晒掛喺意粉，好味。香草雞肉野菌忌廉炒意大利粉，雞肉唔多，同上面嘅意粉差唔多，都係好味。日式彩椒豬扒炒烏冬，豬扒鬆軟，幾惹味。吉列魚柳三文魚碎麻醬天使麵，有一塊薄煙三文魚，吉列魚柳都可以，平時好少食天使麵，覺得太淋，但做成冷麵配麻醬就好夾，夏天食最啱。粟米薯蓉，薯蓉幼細，飽肚又唔貴。雞批較乾。酥皮蛋撻，雖然唔係好新鮮但食得到層次夠又鬆化。雞批都係較乾又唔熱。