CoCo Espresso

Open Now

Now Closed

如果身為（意式）咖啡愛好者加上係中上環的白領人士，如果未飲過甚至未聽過CoCo Espresso 的大名，你都枉稱喜歡飲咖啡。小弟數年前，認識CoCo Espresso是因為曾經朋友推薦，去左當時它在上環皇后大道中的小分店。我仲記得個間分店好細，得幾個位，多數人都係買外賣。但呢間分店好似上年已經執左，搬左落一條街，即係而家蘇杭街的分店。店面闊落好多，亦似返一間連鎖Coffee Shop，但質素仍能保持舊日的水準。本人飲咖啡未成精，所以依然係落奶但不落糖。因為我唔受得甘苦味但又唔喜歡被糖搶走咖啡的味道。CoCo Espresso的Latte, 比起另外兩間大型連鎖咖啡店出色得多，味道香醇卻不苦，溫度適中易入口，即使放了一段時間了，咖啡味道仍存。要是可選擇，CoCo Espresso 才是我外賣咖啡的首選。