% Arabica (天星碼頭)

Open Now

Now Closed

其實我唔係一個好咖啡嘅人，以前可以話係完全唔會飲，只會選擇飲茶，但係無講錯，人愈大，更加會學識欣賞或者品嘗咖啡嘅苦澀味，雖然都仲係未去到鍾意嘅地步，不過偶然都會想飲番一兩杯~ 呢間咖啡店愈開愈多，差唔多港九新界都有一間，想由尖咀去中環，我唔會選擇去逼地鐵，反而會選擇悠閑咁搭船，而佢係天星碼頭就有分店，時間幾充裕，所以就去飲番杯咖啡先上路我就揀咗一杯凍嘅咖啡拿鐵，佢賣相簡單，透明杯上面只係印住一個百分比嘅圖案，不過同咖啡及奶嘅顏色都幾夾，幾有簡樸自然嘅風格，將奶同咖啡混合之後，顏色都唔會太過淺色，睇落好似有唔少嘅奶，但係飲落唔會蓋過咗咖啡嘅香，有微微苦澀味又唔會太過濃，對於我呢個咖啡新手黎講，啱啱好~對於我男朋友呢啲老手黎講，濃縮咖啡先啱佢，望到濃稠、深啡色嘅咖啡，我都有啲怕怕，男朋友就幾讚賞佢味道濃郁，有咖啡豆嘅甘香，我都偷飲咗一啖，真係苦過Dee Dee啊!! 但係真係幾重咖啡香，因為佢係我個口漫延，苦味過口就淨餘香味