Video
Read full review
2022-10-21
34 views
今日約左幾個朋友整完指甲去食晚餐🥣 冇食午餐就去整指甲💅🏻既我真係好肚餓 所以係朋友整緊指甲期間諗住係附近搵間餐廳食 之前上網都已經見到依間餐廳既食物好似唔錯 又好似有d特別 所以就去依間食 去到見到有大概6-7個人等位 大概3張台到 咁應該唔會好耐 我又一個人 所以就叫個店員幫我留位 佢會叫你留埋電話 等左15分鐘左右佢就打黎話有位 入到去店面唔大 大概有6-7張枱 又有張bar枱 我就係坐左係bar枱到 我其實一早已經諗好食咩 所以好快就叫左我叫左慢煮澳洲牛面頰🐮沙嗲煎腸粉 同一杯荔枝玫瑰咖啡梳打佢送餐既時間都比較耐 我諗都等左15-20分鐘先有 佢首先黎左個麵先澳洲牛面頰 沙嗲煎腸粉 🍝$138因為太肚餓食食下先記得影相 個日佢地話冇曬腸粉 就轉左意粉 其實我好期待佢個腸粉 想像腸粉會唔會好似粉皮既感覺如果配落牛面頰同沙嗲 但冇 唔緊要都要 佢個意粉對我黎講都算軟硬適中 因為我係比較鐘意有少少硬既意粉 佢個牛面頰好淋 牛味都重 都有3-4大塊 唔洗用咩力去咬 好好食 佢個醬係有d花生味 又甜甜地 又有d辣辣地🌶 但唔食辣既人都可以接受到既辣 有d似擔擔麵既味 我好推薦依個 但如果
我叫左慢煮澳洲牛面頰🐮沙嗲煎腸粉 同一杯荔枝玫瑰咖啡梳打
佢送餐既時間都比較耐 我諗都等左15-20分鐘先有 佢首先黎左個麵先
澳洲牛面頰 沙嗲煎腸粉 🍝$138
因為太肚餓食食下先記得影相 個日佢地話冇曬腸粉 就轉左意粉 其實我好期待佢個腸粉 想像腸粉會唔會好似粉皮既感覺如果配落牛面頰同沙嗲 但冇 唔緊要都要 佢個意粉對我黎講都算軟硬適中 因為我係比較鐘意有少少硬既意粉 佢個牛面頰好淋 牛味都重 都有3-4大塊 唔洗用咩力去咬 好好食 佢個醬係有d花生味 又甜甜地 又有d辣辣地🌶 但唔食辣既人都可以接受到既辣 有d似擔擔麵既味 我好推薦依個 但如果下次有腸粉會更好
慢煮澳洲牛頰 沙嗲煎腸粉
$138
6 views
0 likes
0 comments
過左一陣黎左杯咖啡 我朝早先飲完有奶既咖啡 唔想再飲奶 就叫左杯清爽d既咖啡
荔枝玫瑰咖啡梳打☕️ $48
咖啡黎時我都差唔多食完個麵 但咖啡梳打可以解解膩 佢應該加左荔枝既汁入去 因為有好香荔枝味 又有甜味 但有時都會飲下齋啡既我就覺得有d太甜 但玫瑰味🌹就唔太出 而咖啡味都唔太濃 如果係咖啡愛好者唔太適合 但只係想飲本清爽飲品係ok
荔枝玫瑰咖啡梳打
$48
4 views
0 likes
0 comments
我要慢慢嘆杯咖啡 因為仲要等朋友 緊住我個電話開始冇電 我見到佢有個插頭係個牆到 就想問下個店員可唔可以用 佢就答我但佢地冇USB線 好彩我有帶 佢就比我用 我爆沖到餐廳入面既店員都好忙成日走黎走去 人都好多 我都唔敢坐太耐 但都見到有人會坐係bar枱 攞部laptop係到hea 不過可能坐bar枱既人都少 比較適合一人坐 因為好難傾計
總括黎講 佢d食物都幾好 咖啡就不過不失 但我會為左個煎腸粉再去食 或者睇下仲有咩特別野食 但咖啡下次可能會試第二款
Post
