Tuckshop by Social Club (Closed)

又係忙裏偷閑，搵間靚cafe好好Hea下嘅時候，之前去得日式或者台式嘅文靑cafe太多，啲裝修都睇到有少少悶，所以今次特登去一間比較歐美風格，裝修比較chill嘅cafe佢雖然係一間Cafe，但都係以自助形式為主。我哋叫咗一份pancakes with bacon & eggs，呢個組合真係冇得輸，煙肉同薯餅夠脆好香口，煎蛋又係流心，令到煙肉同薯餅唔會𠝹口，pancake本身甜甜地，可以balance返煙肉嘅鹹香，推介另外叫咗兩杯有特色嘅咖啡，Rosie同Dusk till Dawn。Rosie飲落好重玫瑰同蜂蜜味，反而cold brew嘅咖啡味就比較淡，會越飲越覺得甜。Dusk till Dawn 咖啡香同果都唔係strong，而且佢啲竹炭粉有少少未攪勻，所以一路飲都飲到有啲粉。個人來講，我都係鍾意正常咁沖一杯咖啡。另外佢其實都係一個co-work place，所以閒日去都會有人係做緊嘢，出出入入嘅人都比較多，如果想靜靜咁樣嘆一嘆，就可能要選擇近窗嘅位置。