Capo's Espresso (Closed)

距離返工仲有少少時間，又係中環搵個地方坐下，是日就黎左呢個少少巷仔feel既機利文新街，因為記得呢度新開左一間咖啡店，所以就黎坐一坐飲杯咖啡。黎到既時候店內只有一個客人，隨便搵個位就坐低啦。環境唔算好大，唔可以話坐得好舒服，但呢D時間無咩人都可以自己一個人慢慢坐下寧靜一下既。最後選擇了cake set，蛋糕有 4 款選擇，最後揀左amaretto & chocolate cheesecake再加一杯caffe latte。坐低左之後店員就會送上蛋糕同咖啡啦~ 驚悶仲有部電視俾你睇添。不過個人覺得蛋糕味道比較一般，其實係唔難食的，簡單d講其實無咩味，味道好鬼淡下。芝士味唔突出，而且都唔係太食到朱古力味，只係每一口有少少香既杏仁酒味... 餅底亦有少少腍，雖然我都順利完成哂佢，但真係唔算好食。caffe latte 黎到溫度算幾高溫下，要慢慢飲呀~ 唔係辣親就唔好啦~ 飲落都好滑身，幾重奶香，咖啡味幾甘醇又唔會苦，都幾好飲的~~~係到坐左一陣好快就又夠鐘要走啦，下次如果黎應該會飲咖啡唔會食野啦~~。