Video
Read full review
2008-10-08
26 views
去完濕地公園，走過嚟元朗搵食，我哋哩D離島人，元朗、天水圍真係山長水遠，好少去，今勻嚟到咁北嘅元朗，知道好多好嘢食，睇書仔介紹真係眼花撩亂，費事嚟到先搵，所以一早鎖定目標嚟石崗！亦都懶得諗，坐低就篤手指揀咗個1B二人餐，$168有齊小食、鐵板烤羊膝、咖喱牛肉（或豬、雞）、咖喱什菜配白飯、又有烤麥缾、鮮果沙律、同埋汽水或紅酒，真係好抵食，份量又足，根本兩個人就食唔晒，所以落單時已叫佢哋個飯俾半份我哋就得喇，點知佢都仲係哩咗成份，即係一大碟，真激死！加上哩日係週日，好多人坐到爆，我哋都係安排坐晌走廊二人位，都 OK嘅，係比較多人行哩行去，不過反而靜局D，無出面咁嘈添！小食 – 有印式春卷同雞件，各兩件，配D燒炸汁同乳酪汁，唔錯！鐵板烤羊膝 – 上枱時熱辣辣，大大件羊膝有兩件，呎吋就比雞脾大一個呎碼咁，一人揸住一隻哩食，多層次嘅香料味，肉質軟腍，帶少少羶，真係好正！咖喱牛肉 - 牛肉用咗牛腩，不過就做得無咁好，因為韌咗D，好彩個咖喱汁膽做得惹味，用烤麥餅醮D咖喱哩食又得，撈飯食都得，真係好得！咖喱什菜 – 一樣好食，因為D咖喱正，時菜有薯仔、蜜糖豆、椰菜花，唔會煮到腍晒。本來有個鮮果沙律，點
小食 – 有印式春卷同雞件，各兩件，配D燒炸汁同乳酪汁，唔錯！
鐵板烤羊膝 – 上枱時熱辣辣，大大件羊膝有兩件，呎吋就比雞脾大一個呎碼咁，一人揸住一隻哩食，多層次嘅香料味，肉質軟腍，帶少少羶，真係好正！
咖喱牛肉 - 牛肉用咗牛腩，不過就做得無咁好，因為韌咗D，好彩個咖喱汁膽做得惹味，用烤麥餅醮D咖喱哩食又得，撈飯食都得，真係好得！
咖喱什菜 – 一樣好食，因為D咖喱正，時菜有薯仔、蜜糖豆、椰菜花，唔會煮到腍晒。
本來有個鮮果沙律，點知改咗巴基斯坦芒果（佢哋一箱箱擺晌門口散買），食落充滿芒果果香，好濃郁，仲好甜，可惜得嗰4件仔，所以見佢有巴基斯坦鮮芒果汁買，$20杯，就叫咗杯哩試吓，大大杯，又夠冰凍，一樣都係咁濃郁芒果香，甜得哩又唔會好似糖水咁假，$20杯飲得過。
Post
