和氣食堂 (黃大仙中心南館)

Open Now

Now Closed

大病初癒，唔係好食得生冷嘢，但偏偏又好想食日本嘢，咁啱經過商場，就行咗入呢間日本嘢度😌見到佢啲嘢食其實都幾吸引，除咗我叫嘅大阪豬扒飯、忌廉咖喱烏冬之外，仲有啲好吸引嘅燒肉飯，不過驚食唔晒冇叫到，下次真係應該試吓😀😀咖喱忌廉烏冬上邊有一層白色嘅cream，食落有少少薯仔味，口感好溫和，我估口味偏淡嘅人應該會鍾意食，配上即叫即炸嘅炸雞，簡簡單單就已經好好食。🐓🐓大阪豬扒飯感覺似係飯嘅章魚燒版本，上面灑滿左大阪燒嘅醬汁同埋柴魚片，好重大阪風味。👍🏼另外我哋仲叫咗啲小食，有清酒煮蜆、燒雞翼從燒茄子，三個人食差啲食唔晒😂😂餐廳位置幾近地鐵站，約埋朋友食都好方便，而且座位位置闊落，啱晒一班朋友喺度傾偈食飯。