湄南 (Closed)

今日放工之後去咗天晉地下新開嘅越式餐廳，整體環境唔錯，晚飯時間6, 7點亦唔使點排隊就有位。雖然都係兩個人食但係都叫咗幾多餸。首先點左食泰國越南嘢一定要叫嘅蒜蓉包，蒜蓉有炸過嘅香味，麵包亦非常脆。另外叫咗越南濱海，第一次試食越南濱海感覺都幾新鮮，配上少少酸甜醬，非常醒胃。主菜方面叫咗一個咖喱牛腩飯以及香茅雞翼湯金邊粉。咖喱牛腩飯重咖喱味，亦唔會太辣，牛腩亦都非常之腍，用嚟餸飯一流！反而對比之下香茅雞翼湯金邊粉略嫌較淡，而家亦都稍有血色，有待改善。