Video
Read full review
2022-01-05
1134 views
餐廳：滾餃 (觀塘)地址：觀塘開源道60號駱駝漆大廈三座9樓K號舖觀塘呢間餃子店——滾餃 @boiledumplingss 開咗一個月多啲，佢哋全部餃子都喺即日手工包🥟，用嘅材料新鮮之餘基本上都唔會擺過夜，加上價錢相當抵食，難怪平日嘅中午時間嚟除咗坐滿晒人之外，仲有好多附近嘅打工仔大排長龍等入座或者叫外賣啦🥡餐廳簡單嘅裝修，牆上面一句「唔好”餃”我後面」，相信唔少香港人都會好有共鳴；餐廳暫時主打7款豬肉餃🥟，韭菜、香菇粟米、京蔥、香茜、芝士粟米、黑松露芝士同埋蒜芯鮮蝦味，唔知你又鍾意邊一款呢？佢哋亦有五份小食同四款飲品，雖然選擇唔算太多，但依然吸引咗唔少人過嚟幫襯，相信一定有佢哋吸引人嘅地方👍✝️蒜芯鮮蝦豬肉餃(湯) $58/10隻所有湯餃都用特濃豬骨湯底熬製🐷，皮薄餡靚，蒜芯鮮蝦豬肉餃最特別之處喺有3款唔同嘅質感：蒜芯嘅爽脆、鮮蝦嘅彈牙、豬肉嘅幼嫩，一款餃子就可以食到咁多層次🤩，加上蒜香唔會太勁蓋過蝦肉同豬肉嘅鮮香，確實幾好食，不過就見到鮮蝦有蝦腸未清🙈。而叫餃子仲可以加$8配上海麵或米線，或者加$12配烏冬，啱晒大食嘅你😆。順帶一提佢哋自家製嘅辣菜甫真喺要試，配湯餃子食一流😎✝️黑松露
地址：觀塘開源道60號駱駝漆大廈三座9樓K號舖
觀塘呢間餃子店——滾餃 @boiledumplingss 開咗一個月多啲，佢哋全部餃子都喺即日手工包🥟，用嘅材料新鮮之餘基本上都唔會擺過夜，加上價錢相當抵食，難怪平日嘅中午時間嚟除咗坐滿晒人之外，仲有好多附近嘅打工仔大排長龍等入座或者叫外賣啦🥡
餐廳簡單嘅裝修，牆上面一句「唔好”餃”我後面」，相信唔少香港人都會好有共鳴；餐廳暫時主打7款豬肉餃🥟，韭菜、香菇粟米、京蔥、香茜、芝士粟米、黑松露芝士同埋蒜芯鮮蝦味，唔知你又鍾意邊一款呢？佢哋亦有五份小食同四款飲品，雖然選擇唔算太多，但依然吸引咗唔少人過嚟幫襯，相信一定有佢哋吸引人嘅地方👍
✝️蒜芯鮮蝦豬肉餃(湯) $58/10隻
所有湯餃都用特濃豬骨湯底熬製🐷，皮薄餡靚，蒜芯鮮蝦豬肉餃最特別之處喺有3款唔同嘅質感：蒜芯嘅爽脆、鮮蝦嘅彈牙、豬肉嘅幼嫩，一款餃子就可以食到咁多層次🤩，
加上蒜香唔會太勁蓋過蝦肉同豬肉嘅鮮香，確實幾好食，不過就見到鮮蝦有蝦腸未清🙈。
而叫餃子仲可以加$8配上海麵或米線，或者加$12配烏冬，啱晒大食嘅你😆。順帶一提佢哋自家製嘅辣菜甫真喺要試，配湯餃子食一流😎
✝️黑松露芝士豬肉餃(煎) $60/10隻
黑松露嘅香味完全沒法擋🤤，
芝士味道隨後陣陣飄出，唔會太濃烈蓋過晒其他味道，整體味道上嘅balance做得幾好，
最重要喺一咬就爆汁💦，餃子皮外層焦香而脆，餡料嫩滑惹味，唯一就喺食多幾舊就感覺有少少油膩🤏，整體嚟講都算唔錯
✝️涼拌肉鬆皮蛋豆腐 $36
一見到「涼拌」呢兩隻字以為會喺辣嘅😳，點知以鹹酸嘅味道為出，
類似百福豆腐質感嘅凍豆腐淋上酸酸鹹鹹嘅自家製汁，面頭灑上肉鬆，另外加上青蔥同芝麻，旁邊放咗切碎嘅皮蛋粒，對比起餃子嚟講就無太大驚喜
飲品方面我就叫咗個自家製支裝奶茶($18)，朋友就嗌咗個豆漿($10)，奶茶嘅茶味甘醇，飲落香滑而唔苦澀，唔會過甜，不過飲奶茶呢家嘢真係好因人而異🤣，有啲人鍾意茶香濃啲，有啲人鍾意奶嘅比例多啲，唔知你又鍾意點樣嘅奶茶呢🤪？歡迎留言話俾我知一齊分享吓飲奶茶嘅心得🗣
Post
