川上龍 (Closed)

唔該，叫廚房師父放少啲鹽，今日點咗水煮牛肉及咸酸魚塊，真係咸到爆炸，咸酸魚塊得個咸字，又唔夠酸，出街食飯最驚就係食到勁咸嘅食物，如果客人有血壓高就多謝晒班廚房大佬喇！其實管理層需要留意返啲味道，不止要著重服務，都要著重味道，味道唔啱，客人唔會再嚟幫襯第二次，希望川上龍嘅管理人，都應該要認真改善！講真除咗勁咸之外，材料都好新鮮，上菜速度夠快，環境、服務都幾好，價錢都唔算貴，可以接受範圍內！今日餐飯真係唔係咁好味...！