微酵烘焙 (世貿中心) (Closed)

之前北上已經好鍾意買麵包食，前幾日行銅鑼灣無意中發現有類似嘅麵包賣，就買幾個返去試。由於成6點幾先去，已經唔係淨返好多款揀，好在都有幾款我想食嘅咸包賣。芝士火腿牛角包 - 三樣野本身都好食，加埋一齊一定冇得輸。芝士加熱後溶化更好食，牛角包牛油味重。金磚芝士火腿 - 又係黃金組合，好味之選。著頭 - 入面有薯仔、粟米同火腿，個包好軟熟，上面鋪滿可可粉，味道不錯。香軟肉鬆包 - 好足料，望個樣都知味道好豐富，食完好飽肚。章魚大哥 - 個樣好趣緻，個包好有創意，不只是腸仔包。間鋪嘅另一邊有賣台式飲品，同友人買咗一人一杯，分別係爆爆水果茶同可可藍芝士奶蓋。水果茶好多料，味道好清甜，走甜都好清新。飲哂先見到原來有好多水果！可可藍芝士奶蓋 - 味道好有層次，芝士奶蓋好濃郁，飲完好飽。麵包款式多，味道都唔錯，可以考慮嚟呢度買，唔使北上。