敏華冰廳 (海趣坊)

Open Now

Now Closed

沙爹醬同沙茶醬有乜分別，番查網上資料，係潮汕人仕由東南亞帶番本土，為迎合當地人口味，將甜辣度降低，咸香度提高。而"爹"發音同潮語"茶"發音一樣，文字表達就變咗沙茶醬。早餐送到，第一時間試舊充滿沙茶醬嘅牛肉，一入口即時吐番出嚟，完全係食緊一殼鹽，駛唔駛咸到咁。用湯沖走佢，其實唔錯，牛有牛味，彈力十足，唔韌，份量不少。最正係個炒蛋，香滑有濃濃奶味。煙韌多士大慨有3吋x3吋x1吋，淨係炒蛋多士搽埋牛油加埋飲品，已經係一份幾好嘅早餐。總括黎講係一份適合大胃王嘅早餐。