樂滿門快餐廳

Open Now

Now Closed

成個長華邨平台食肆都比領展收晒，想搵間茶餐廳都無，唯有行到老遠聯和墟搵食啦 ﹗苜次探訪，侍應姐姐妹妹嬸嬸們都服務殷勤和藹親切，氣氛融洽舒服。火腿奄烈，即叫即做，聞得到的新鮮。鑊氣十足，煎得金黃香噴噴，味道正常無投訴。太陽蛋腸仔，想咸死我咩 ﹗極咸腸，少有地係用罐頭鹽水咸腸黎喎。沙嗲牛肉出前一丁，湯底黑媽媽，超濃縮好鬼咸，麵質偏硬唔夠熟，免強只得 9 成熟左右。沙嗲牛肉芡汁一舊舊，放左一段時間，質地及味道可以，但浸完咸湯就過濁過嗆喇，整體中規中矩。