H.OURS Bar & Restaurant

Open Now

Now Closed

今日同老公收工嘅時候 突然間好想食德國豬手 然後飲番杯啤酒 老公同事介紹我哋嚟呢度食飯 因為佢哋食過呢度嘅鹹豬手好好味 既然有人介紹我哋就一於去試吓😎😎入到啦 比呢度嘅外國風裝修呃咗我哋去咗旅行咁 太耐冇去旅行 有時候都好想搵返啲地方 會有去旅行嘅感覺 呢度就有啦🤠 講返正題先 既然同事介紹得 所以我哋都有嗌到德國鹹豬手 鹹豬手拎到過嚟 熱辣辣 仲要切好晒 非常適合唔鍾意麻煩嘅你哋 可以好好享受鹹豬手 唔需要再去苦惱 邊度切入去好😵😂飲品方面 老公嗌咗杯麥啤🍻而我就嗌咗杯Something (Vodka, 菠蘿汁，橙汁)酸酸甜甜 非常容易入口 如果怕走味太濃 都可以order呢一杯🍸 味道方面 菠蘿汁同橙汁嘅味道都唔會太假 唔需要擔心係藥水味💕 食物❤️❤️❤️❤️飲品❤️❤️❤️❤️環境❤️❤️❤️❤️❤️服務❤️❤️❤️❤️❤️五個❤️為滿分