十二味麻辣三兄弟 (Closed)

近排濕重好想食辣野, 上星期去山林道o個陣路經發現開左間新o既麻辣鍋, 就同朋友入去試下入到去完全係茶餐廳o既格局, 一 d 都唔似火鍋店檯面上無爐位, 望下菜單先知點解...原來十二味麻辣三兄弟, 係主打麻辣乾鍋 無聽錯, 正是乾o既麻辣鍋, 完全估佢唔倒, haha!除左乾鍋, 正常o既麻辣火鍋同小食都有架...辣度除左有大中細之外, 仲有變態辣...先上左個小食 ~ 紅油白玉 其實就係紅油凍豆腐, 配上蔥花同肉鬆紅油夠香而帶小辣, 配上豆腐食好清爽味道同一般凍豆腐差唔多, 無咩驚喜而飲品方面, 大路如酸梅湯同竹蔗水都有最特別係有個叫 桂花冰釀 我覺得佢似酒釀丸子o既飲品版, 帶米酒o既酸甜味好易入口, 酒味唔算濃, 似韓國米酒乾鍋方面, 我地叫左 香辣素食鍋 主要材料有蓮藕, 萵荀, 海帶, 薯仔, 寬粉等等第一次食乾鍋, 雖然唔似火鍋即時聞到辣味但暖食下材料都好入味, 麻香比較重, 辣味反而少d蓮藕好爽口, 薯仔軟燸吸收晒d醬料超好食最後叫了個 四川冰粉 解解辣係似甜o既冰糖水薯粉, 幾得意但唔係應該個個鐘意 總括而言, 乾鍋味道唔錯, 值得再黎 而且有個好處, 食完行出鋪個