Video
Read full review
2024-04-07
138 views
一直都覺得跑馬地係港島區一個好特別嘅存在，有馬場，有好多好靚嘅矮樓，不過一直都無咩原因會黎呢頭。最近終於發現有呢間好抵食嘅泰菜，睇嚟可以成為我以後黎跑馬地嘅原因🫣餐廳店面細細但係裝修得好有品味👍🏻侍應們態度都非常殷勤，野食方面兩個人點左椰子雞湯、炒椰菜苗、豬頸肉同生菜包。聽到都知飽，但原來份量大大份，味道都好出色。尤其係椰子雞湯，好足料，兩個人飲完湯都飽左一半。豬頸肉都好，值得推介，佢唔係煎炸嗰種油膩感反而似係焗出嚟加上有啲煙燻嘅感覺，係食過其中一個最出色嘅豬頸肉。炒椰菜苗對我嚟講有少少辣，但係都好入味，生菜包就算係稍為失色，但係勝在炒量非常多我哋打包咗第二日加個煎蛋同白飯食足兩餐😂聽員工們講原來佢哋嘅海南雞飯都非常出名，如果要嚟食就要打嚟預訂，而且佢仲同我地講佢哋有午餐都只係60幾蚊起大大份好抵食，喺附近返工嘅人不妨入嚟試吓🥹
餐廳店面細細但係裝修得好有品味👍🏻侍應們態度都非常殷勤，野食方面兩個人點左椰子雞湯、炒椰菜苗、豬頸肉同生菜包。聽到都知飽，但原來份量大大份，味道都好出色。尤其係椰子雞湯，好足料，兩個人飲完湯都飽左一半。豬頸肉都好，值得推介，佢唔係煎炸嗰種油膩感反而似係焗出嚟加上有啲煙燻嘅感覺，係食過其中一個最出色嘅豬頸肉。
炒椰菜苗對我嚟講有少少辣，但係都好入味，生菜包就算係稍為失色，但係勝在炒量非常多我哋打包咗第二日加個煎蛋同白飯食足兩餐😂
聽員工們講原來佢哋嘅海南雞飯都非常出名，如果要嚟食就要打嚟預訂，而且佢仲同我地講佢哋有午餐都只係60幾蚊起大大份好抵食，喺附近返工嘅人不妨入嚟試吓🥹
Post
