品味創意台灣料理 (Closed)

最近要過九龍灣KITEC返工。到LUNCH時間就緊係落去EMAX搵食啦。依到既食肆集中係B1。地下。同2樓。款式都好多元化。經同事帶我行過一圈後。決定食依間 品味創意台灣料理 。(其實係同事同我講話佢地既鹽酥雞排大過塊面)所以我先揀佢。因為疫情關係。都係買外賣返公司食。買完之後同事先同我講話堂食塊雞排先大過塊面。外賣會細少少。不過唔緊要啦。能夠食到鹽酥雞排就可以了。鹽酥雞排飯鹽酥雞排咬落外脆內鬆軟又JUICY重要既唔太油膩。有兩件滷過既豆腐再加配滷汁係面既白飯。依個LUNCH太滿足啦。隨餐跟蜂蜜綠茶。。蜂蜜同綠茶既比例岩岩好。岩曬我口味。咁樣加埋都係48蚊。算係咁啦。