唐宮壹號 (Closed)

有機會同屋企人出嚟飲下茶,今次選了唐宮壹號, 雖然知道有啲貴, 但聽聞啲點心又精緻又有水準, 所以大家都想試下 。早茶時段唔係太多人，我哋一到就有位。餐廳一個個鳥籠嘅佈置充滿特色， 環境亦十分舒適。點心嘅選擇都頗多， 我哋就隨意咁點左幾款同鳥有關嘅美點。 這款甜在蛋窩嘅賣相相當吸引， 小雞造型嘅鹹水角十分可愛逼真， 令人有點兒不捨得吃。 然而，點心的精髓卻是藏在蛋殼裏的那個蛋黃， 蛋黃並不是真正蛋黃，而是用芒果汁製作而成的，入口即溶，超好食！ 嚟到唐宮，大家一定要試下出名嘅燒乳鴿， 特價每隻只係三十八蚊。 雖然比較細隻，但可以炸到皮脆肉嫩，又唔多油，口感一流， 咁好食既乳鴿真係少有。花雕醉雞又係另外一碟令人回味無窮嘅菜式， 香純清新既花雕酒在雞肉裏滲透， 酒既苦澀味並沒有蓋過肉嘅鮮味， 兩者配合得恰到好處。花雕酒行氣活血， 可以進補一下呢！沙律春卷看起來就比較普通， 不過餡料份量充足， 炸得鬆脆， 伴已千島醬來吃整體還可以。最後我哋叫咗冰涼西瓜糕做甜品， 賣相很精緻，但好細件下，味道就不是太甜又不是太淡， 相比起其他點心就比較遜色了。 所謂少吃多滋味， 在唐宮你可以細味各種有創意又