Video
Read full review
2022-05-10
658 views
上環不嬲多高質餐廳，今日黎到一間格局好特別既意大利餐廳用膳。前廳係俾客人用餐，後廳就提供大量意大利食材、番茄醬、芝士、肉類、酒類俾客人選購。而樓上仲有包廂空間，好似置身喺意大利海邊酒莊餐廳一樣咁寫意。餐包🍞幾軟熟，唔夠可以再問侍應添食。前菜*Careless con mozzarella di bufala*係番茄夾埋mozzarella cheese 既前菜，不得不提兩者口感好夾， 冰凍新鮮嘅蕃茄🍅片配芝士，一個爽口一個嫩滑，正。Pasta*Rigatoni Nduja*侍應細心講解呢款Pasta係意大利菜入邊常見既， 配埋意大利辣肉腸， 同埋高級嘅肉醬同pasta， 酸得嚟少少辣辣地，pasta 又唔會淋有咬口，好開胃。主菜*Branzino alla Mediterranea*一款用特調番茄醬同橄欖製作嘅鱸魚， 兩塊魚扒大大塊， 魚皮雖然已經畀龍澳嘅醬汁蓋住， 但食落依然香口， 而且魚肉冇骨， 爽口又鮮味。甜品*Tiramisu*意大利餐廳嘅甜品真係唔會馬虎，淨係睇外表已經贏晒，食落呢款唔算好甜，而且仲有好多士多啤梨🍓伴碟，Size仲大大份。*Panna cotta*意大利嘅奶凍
上環不嬲多高質餐廳，今日黎到一間格局好特別既意大利餐廳用膳。前廳係俾客人用餐，後廳就提供大量意大利食材、番茄醬、芝士、肉類、酒類俾客人選購。而樓上仲有包廂空間，好似置身喺意大利海邊酒莊餐廳一樣咁寫意。
餐包🍞
幾軟熟，唔夠可以再問侍應添食。
前菜
*Careless con mozzarella di bufala*
係番茄夾埋mozzarella cheese 既前菜，不得不提兩者口感好夾， 冰凍新鮮嘅蕃茄🍅片配芝士，一個爽口一個嫩滑，正。
Pasta
*Rigatoni Nduja*
侍應細心講解呢款Pasta係意大利菜入邊常見既， 配埋意大利辣肉腸， 同埋高級嘅肉醬同pasta， 酸得嚟少少辣辣地，pasta 又唔會淋有咬口，好開胃。
主菜
*Branzino alla Mediterranea*
一款用特調番茄醬同橄欖製作嘅鱸魚， 兩塊魚扒大大塊， 魚皮雖然已經畀龍澳嘅醬汁蓋住， 但食落依然香口， 而且魚肉冇骨， 爽口又鮮味。
甜品
*Tiramisu*
意大利餐廳嘅甜品真係唔會馬虎，淨係睇外表已經贏晒，食落呢款唔算好甜，而且仲有好多士多啤梨🍓伴碟，Size仲大大份。
*Panna cotta*
意大利嘅奶凍， 外表一樣好殺食好靚😆， 不過呢款對於我黎講就甜D。
Post
