Video
Read full review
2017-11-21
408 views
朋友知我熱愛甜品，就帶我嚟The Pudding Nouveau試吓呢度嘅法式甜品。好少會嚟到大坑搵食，若非朋友帶路，我都唔識嚟。原來係一間地區小店，數一數，全店大約只有16個座位，裝修以簡約為主。其中一角係水吧位置，可以見到店員忙於準備食物同飲品。因為朋友食過幾次，知道唔只有甜品食，仲有鹹食，所以我哋嚟一次過食埋晚餐。【法式油浸鴨腿配窩夫班尼迪克蛋$168】油封處理係傳統法國烹調方法，主要係用喺多脂肪嘅肉類，最出名當然係油封鴨腿! 因為製作好需時，好少餐廳會做呢度菜，難得遇到，梗係要叫!鴨腿已經去骨拆肉，食得方便。 油封除左可以保存更耐時間，最重要係帶出食材原始油脂香氣，一入口鴨味好濃郁，肉質非常軟腍。食到最後，鴨肉仲仍然出煙，夠晒熱辣辣。窩夫做得外層好鬆脆，有蛋香味。但唔算厚，好快會凍，最好一上枱就食左先。蛋係溏心蛋，冇大量蛋汁流出，上面加左好多荷蘭醬。【龍蝦焦糖燉蛋配龍蝦肉燒蘑菇$248】用木板上枱，要掀開沙律菜先會見到龍蝦。有半隻龍蝦，已起肉切粒，再加埋燒蘑菇粒同龍蝦醬，放喺法式麵包上面，好滋味!龍蝦焦糖燉蛋，面頭係如常嘅焦糖，下面係龍蝦味燉蛋，第一次食好特別。每個主食係包美式
其中一角係水吧位置，可以見到店員忙於準備食物同飲品。
因為朋友食過幾次，知道唔只有甜品食，仲有鹹食，所以我哋嚟一次過食埋晚餐。【法式油浸鴨腿配窩夫班尼迪克蛋$168】
油封處理係傳統法國烹調方法，主要係用喺多脂肪嘅肉類，最出名當然係油封鴨腿! 因為製作好需時，好少餐廳會做呢度菜，難得遇到，梗係要叫!
鴨腿已經去骨拆肉，食得方便。 油封除左可以保存更耐時間，最重要係帶出食材原始油脂香氣，一入口鴨味好濃郁，肉質非常軟腍。食到最後，鴨肉仲仍然出煙，夠晒熱辣辣。
窩夫做得外層好鬆脆，有蛋香味。但唔算厚，好快會凍，最好一上枱就食左先。
蛋係溏心蛋，冇大量蛋汁流出，上面加左好多荷蘭醬。
【龍蝦焦糖燉蛋配龍蝦肉燒蘑菇$248】
用木板上枱，要掀開沙律菜先會見到龍蝦。
有半隻龍蝦，已起肉切粒，再加埋燒蘑菇粒同龍蝦醬，放喺法式麵包上面，好滋味!
龍蝦焦糖燉蛋，面頭係如常嘅焦糖，下面係龍蝦味燉蛋，第一次食好特別。
每個主食係包美式咖啡(細)或者熱茶，亦可加錢轉其他野飲。
【熱朱古力(大)】原價要$50，都幾貴。餐飲轉熱朱古力(細) 加$10，轉大杯加$14。$14就好抵，朱古力味好香濃，泡沫豐富，面頭仲有朱古力粉。
【朱古力奶昔】原價要$52，餐飲upgrade就加$28，好大杯，哈哈，好邪惡。奶昔係逐杯即整，所以要等耐啲。又係好濃朱古力味，但又多一重奶味，雖然落重料，好多忌廉同朱古力雪糕，唔會太甜，但好飽，抵飲!
【意大利提拉米蘇$116】面頭加左隻紙蝴蝶，好吸引，即時相機食先，影~影~影~
意大利芝士味道特濃，包住咖啡味濃香嘅蛋糕，正!
最底有啲粟米片，配搭雪糕一脆一軟滑，口感好夾!
【香草梳乎厘$98】
梳乎厘焗得好高，好鬆軟。配左吉士醬同雲呢拿雪糕，個吉士醬味道有啲怪，少少咳藥水味，唔加會更好食。
今晚品嚐左幾款法式小品，都幾特色。 可惜食唔到法式多士芭菲，原來個窩夫脆底係每日做，賣晒就冇! 下次要早啲嚟食先得!!
Post
