Video
Read full review
2023-10-22
93 views
最近生活忙碌，好耐都無出去食飯，難得有時間一於試下新餐廳！The Summit由米芝蓮團隊精製菜單。位於銅鑼灣人氣地段Tower 535，25樓高俯瞰維港景色，用餐環境富麗堂皇，落地玻璃窗、水晶吊燈、高樓底盡顯氣派。仲有多間獨立房讓你享受私人空間，寫意用餐。餐廳環境無得彈，令我更期待呢度既宴會級中菜！菜式選擇都唔少，有家禽、海鮮、老虎斑入饌既大菜，亦有岩曬打卡既精製甜品，仲有以茶調酒既特色mocktail同巧手飯麵。今次我試左推薦既金華玉樹雞、釀焗鮮蟹蓋、瑤柱荷葉飯、燈影煎堆、同花膠燴雞絲羹，兩個人食到捧腹而回。花膠燴雞絲羹羹底厚滑醇，花膠切絲易咬又入味，拌雞絲吃暖一暖肚，味道鮮美。金華玉樹雞 ($580)傳統手工菜將雞肉、雲腿、冬菇切片拼合成玉樹形狀。雞肉嫩口，清淡調味，配合雲腿既鹹香同冬菇鮮味，一道菜食出味道變化。釀焗鮮蟹蓋 ($320)蟹肉拆絲釀入蟹蓋焗香，外層黃金色已經令人相當有胃口。每啖都有撲鼻鮮香，入口香脆帶鮮甜。瑤柱荷葉飯 ($300)裡面材料有瑤柱、蟹肉、冬菇，米飯粒粒分明又唔會太乾，吸收左食材鮮味同荷葉清香。瑤柱香口，份量超大個足夠3-4人分享。燈影煎堆 ($60)時
餐廳環境無得彈，令我更期待呢度既宴會級中菜！菜式選擇都唔少，有家禽、海鮮、老虎斑入饌既大菜，亦有岩曬打卡既精製甜品，仲有以茶調酒既特色mocktail同巧手飯麵。今次我試左推薦既金華玉樹雞、釀焗鮮蟹蓋、瑤柱荷葉飯、燈影煎堆、同花膠燴雞絲羹，兩個人食到捧腹而回。
花膠燴雞絲羹
羹底厚滑醇，花膠切絲易咬又入味，拌雞絲吃暖一暖肚，味道鮮美。
金華玉樹雞 ($580)
傳統手工菜將雞肉、雲腿、冬菇切片拼合成玉樹形狀。雞肉嫩口，清淡調味，配合雲腿既鹹香同冬菇鮮味，一道菜食出味道變化。
釀焗鮮蟹蓋 ($320)
蟹肉拆絲釀入蟹蓋焗香，外層黃金色已經令人相當有胃口。每啖都有撲鼻鮮香，入口香脆帶鮮甜。
瑤柱荷葉飯 ($300)
裡面材料有瑤柱、蟹肉、冬菇，米飯粒粒分明又唔會太乾，吸收左食材鮮味同荷葉清香。瑤柱香口，份量超大個足夠3-4人分享。
燈影煎堆 ($60)
時值中秋將至，見到呢個煎堆甜點造型好似一個發光月亮，非常應節，點左一份黎打卡。除咗造型可愛，味道都好好。香脆軟韌既外皮充滿芝麻同油香，咬落甜甜地。
一邊食，窗外由藍天轉換晚霞，望住海景心曠神怡，氣氛相當好。環境同食物都好impressive，下次再黎試其他菜式😋
Post
