Video
Read full review
2019-06-24
165 views
今日係旺角嗰邊買完嘢， 行到去白布街嗰邊有好多好嘢食， 見到［陸陸］，雞煲癮又發作。😁得我同老公兩人唔會散叫，當然係點套餐。《陸陸雞煲海鮮火鍋套餐》每位$338好豐富，有雞煲海鮮火鍋和各款特選火鍋料！😍前菜有白灼花螺 幾爽口!香噴噴嘅雞煲， 選了BB辣， 高溫爆香洋蔥，紅洋蔥，芫茜，各式香料和充滿秘製醬汁嘅雞件， 惹味爆曬燈。 一件接一件係停唔到口～～ 兩個人係可以食清呢個煲裏所有雞件😋😋😁轉頭放低咗套餐包括嘅一盤海鮮拼盤， 款款新鮮。 有巨型嘅貴妃蚌， 非常爽甜， 海蝦亦鮮甜彈牙。 蟶子皇爽口肉夠厚。 用脆肉鯇魚片砌出兩朵花， 唔易散。仲有兩隻手掌咁大嘅鮮鮑魚， 大件到好似食麵包咁， 用咗較剪剪開一塊塊， 同樣鮮甜彈牙。 主角出場＞＞原隻龍蝦湯底。拆開龍蝦肉， 肉質彈牙不過比較鹹。 湯底充滿蝦味， 仲有唔少嘅大肉茄。😋菇類拼盤， 種類非常豐富 而且排得好靚， 有鮮冬菇，雞髀菇，秀珍菇，金菇， 本菇，大蘑菇。自家炸響鈴， 輕渌幾秒仲保持到小小脆口！炸魚皮，夠厚夠脆。肉類方面有美國牛肩胛，豬腩片，牛柳粒。 牛肉夠嫩，冇渣，肥瘦適中。👍 牛柳粒就只得三粒， 咬落有油花，夠香囗。丸類主要有梅
今日係旺角嗰邊買完嘢， 行到去白布街嗰邊有好多好嘢食， 見到［陸陸］，雞煲癮又發作。😁
得我同老公兩人唔會散叫，當然係點套餐。
《陸陸雞煲海鮮火鍋套餐》每位$338
好豐富，有雞煲海鮮火鍋和各款特選火鍋料！😍
前菜有白灼花螺 幾爽口!
香噴噴嘅雞煲， 選了BB辣， 高溫爆香洋蔥，紅洋蔥，芫茜，各式香料和充滿秘製醬汁嘅雞件， 惹味爆曬燈。 一件接一件係停唔到口～～ 兩個人係可以食清呢個煲裏所有雞件😋😋😁
轉頭放低咗套餐包括嘅一盤海鮮拼盤， 款款新鮮。 有巨型嘅貴妃蚌， 非常爽甜， 海蝦亦鮮甜彈牙。 蟶子皇爽口肉夠厚。 用脆肉鯇魚片砌出兩朵花， 唔易散。仲有兩隻手掌咁大嘅鮮鮑魚， 大件到好似食麵包咁， 用咗較剪剪開一塊塊， 同樣鮮甜彈牙。
主角出場＞＞原隻龍蝦湯底。拆開龍蝦肉， 肉質彈牙不過比較鹹。 湯底充滿蝦味， 仲有唔少嘅大肉茄。😋
菇類拼盤， 種類非常豐富 而且排得好靚， 有鮮冬菇，雞髀菇，秀珍菇，金菇， 本菇，大蘑菇。
自家炸響鈴， 輕渌幾秒仲保持到小小脆口！
炸魚皮，夠厚夠脆。
肉類方面有美國牛肩胛，豬腩片，牛柳粒。 牛肉夠嫩，冇渣，肥瘦適中。👍 牛柳粒就只得三粒， 咬落有油花，夠香囗。
丸類主要有梅菜豬肉丸，黑椒牛丸和手打墨魚丸。 黑椒牛丸太過辣食唔到牛肉味。 另一款手打豬肉丸淥完係好鞋。。 好似蒸過龍嘅豬肉。 手打墨魚丸足料有弹性。👍
反而餃子類唔錯， 這碗裏面有齊四款餃子。 菜肉雲吞， 鳳城水餃，鮮蝦雲吞和魚皮餃。
蔬菜篮非常豐富，都是精心挑選過又嫩又綠的菜葉。
到最端上冰凍西瓜和綠茶雪米糍 作飯後甜品，絕對是解膩降溫之選。
Post
