宮崎肉本舖 (Closed)

之前喺同一棟大廈食過飯，發現呢度有好多唔同既餐廳，所以今次就試呢間日式燒肉，而仔細睇先發現原來佢地係放題形式，而唔係散點，但重點係餐廳既肉都係來自日本！仲要係宮崎牛！！！有曬證書，食客就多一份信心。呢個價錢絕對配得起肉既品質！$998 極上放題 宮崎A5櫻花牛套餐餐廳一開始會先分配左一份燒肉船，一份有10款唔同部位既燒肉。西冷同壽喜燒就只得一份，而其他部分包括有…和尚頭、前腿肉、肩里肌、肩口肉、牛肋肉、五花腩、內後腿肉、外後腿肉。牛肉不論任何位置都充滿油花，非常吸晴，而且牛肉冇將貨就價，全部好厚身，燒起上黎聞到陣陣香氣。牛肉入口淡淡肉汁，再加上油脂分布平均，配埋白飯，真係忍唔住叫左2碗飯黎配燒肉。除此之外，餐廳仲有多款小食同肉類可以揀，有沙律、有豚肉、有雞肉、有海鮮、有炸物、有甜品、有飲品。加加埋埋都有5,60款。我就私心推介下雞頸肉同埋黑松露餃子雞頸肉爽口得黎又juicy自家製黑松露餃子出奇地同牛肉好夾好香口，忍唔住encore左幾次。