Video
Read full review
2020-11-08
149 views
‼️‼️呢間cafe Tea Hub係11月29號就係last day喇😢😢，所以要趁呢個月去支持下！因為就嚟結業既關係，呢日weekend嚟到都要等位，大概等咗15－20分鐘就有位喇，呢度主打各款茶類食物同飲品，有好多款平日較少見既茶／花茶，另外以茶入饌既戚風蛋糕都好出名，每日都有唔同味道，可以睇番嗰日手寫餐牌睇下幾款是日戚風蛋糕、mousse cake、前菜、冷泡茶等既口味。茶漬飯（柚子雞翼、和風南瓜）上枱既時候會另外有一壺茶等你自己倒落去做茶漬飯。個茶湯有少少木魚味，茶味就唔算好出。要讚下個南瓜好好食呀！有驚喜😍😍😍外層有一種好特別既焦糖香，令到個南瓜好香甜，南瓜肉好腍。柚子雞翼就比較似屋企style，柚子味唔係太覺。香煎帶子柚子汁冷麵冷面份量好多😆，除咗帶子仲有蟹棒、青瓜同蛋絲，帶子同蟹棒都略硬，不過個汁幾好食，雖然倒晒落去之後睇落好似冇乜汁咁，但係食落好香柚子醋既味，酸酸甜甜好開胃😗。玫瑰鐵觀音戚風蛋糕玫瑰鐵觀音呢個配搭好似幾特別咁，蛋糕食落好軟熟好fluffy，一食就食得出好香玫瑰味，中間既cream係鐵觀音味，味道都好香，玫瑰同鐵觀音兩者味道好平衡，切開個蛋糕就見到中間注滿忌
因為就嚟結業既關係，呢日weekend嚟到都要等位，大概等咗15－20分鐘就有位喇，呢度主打各款茶類食物同飲品，有好多款平日較少見既茶／花茶，另外以茶入饌既戚風蛋糕都好出名，每日都有唔同味道，可以睇番嗰日手寫餐牌睇下幾款是日戚風蛋糕、mousse cake、前菜、冷泡茶等既口味。
茶漬飯（柚子雞翼、和風南瓜）
上枱既時候會另外有一壺茶等你自己倒落去做茶漬飯。個茶湯有少少木魚味，茶味就唔算好出。要讚下個南瓜好好食呀！有驚喜😍😍😍外層有一種好特別既焦糖香，令到個南瓜好香甜，南瓜肉好腍。柚子雞翼就比較似屋企style，柚子味唔係太覺。
香煎帶子柚子汁冷麵
冷面份量好多😆，除咗帶子仲有蟹棒、青瓜同蛋絲，帶子同蟹棒都略硬，不過個汁幾好食，雖然倒晒落去之後睇落好似冇乜汁咁，但係食落好香柚子醋既味，酸酸甜甜好開胃😗。
玫瑰鐵觀音戚風蛋糕
玫瑰鐵觀音呢個配搭好似幾特別咁，蛋糕食落好軟熟好fluffy，一食就食得出好香玫瑰味，中間既cream係鐵觀音味，味道都好香，玫瑰同鐵觀音兩者味道好平衡，切開個蛋糕就見到中間注滿忌廉😋😋，個cream打得輕盈唔甜膩。
前菜：蔬菜沙律、雪梨蜜沙葛
前菜款式都會經常轉換，蔬菜沙律落咗啲柚子醋酸甜開胃，雪梨蜜沙葛就少見啲幾特別，沙葛好爽口，雪梨蜜都好清甜。
是日冷泡茶（玫瑰烏龍）
好清新而且天然既冷泡茶，一入口就feel到好出既玫瑰味。
人均消費：$150
推介指數（10分為滿分）：8.5分
Post
