品茶弄啡 (Closed)

天氣熱死辣辣，經過尖沙咀就想買杯茶飲下。經過呢間勁多人排隊我又心郁郁想走去排，見到佢係主打咖啡，不過好可惜我又唔飲喎， 最後都係嗌咗冷泡茶飲！我就嗌咗杯桂花烏龍，朋友嗌左coldbrew同玫瑰油切。唔講真係唔知玫瑰油切係指玫瑰加綠茶，淡淡地幾好飲，但係又有清茶嘅味道所以好啱呢啲夏天熱辣辣嘅天氣！而我嗰杯嘅桂花烏龍就正正配合得好好，濃郁嘅烏龍味唔會蓋過左桂花嘅清香，每一啖都有桂花同埋烏龍混合左嘅香氣同味道真係好好飲㗎！不過好可惜我係唔飲咖啡嘅但都忍唔住試咗朋友一啖，真係好苦呀咖啡☕️但係朋友話我知呢杯咖啡好濃郁，亦都冇加糖水同埋任何糖分所以飲落先會咁苦！