春風三月 (Closed)

同男友人都好鍾意飲手搖飲品，行過千色店見到後面新開左間，叫春風三月，好台式加日式嘅感覺，我地當然要買黎試下。男友人試左月貴妃，即係荔枝綠茶，荔枝同綠茶都係佢最愛，啱哂佢。喺杯入面有個茶包，飲落好清甜，雖然係茶包但茶味都夠，唔錯！我就試左夢幻果茶，叫左走冰少甜，入面又係有茶包，係士多啤梨同雜莓味，飲落似平時食嗰隻扁身紅色好長嘅酸糖味，飲落一啲都唔甜，酸酸地，有好濃嘅莓味，好正，原本諗住加珍珠，但店員唔建議，唯有下次再試！