品記鮮粉人家私房菜館

Open Now

Now Closed

想係屋企食雞煲訂品記快捷方便，一個 WhatsApp 預好時間免運費送到上門，外賣自取仲有九折，我今晚約左朋友係紅磡，當然用盡優惠自取九折喇！🥢香辣雞煲加熱五分鐘即食，麻香同洋蔥香氣撲鼻，雞肉啖啖肉辛香惹味，一隻份量足夠我們四人享用。🥢必食海蜇頭，爽脆爆汁醬油味不濃，個人喜歡帶點酸更開胃。🥢麻辣夫婦肺片，係有牛肚同金錢𦟌，小辣已經好過癮，牛肚軟腍，金錢𦟌有牛味，醬汁味道越食越想食滋味無窮。👍👍🥢紅糖滋粑，又係甜品中必食，紅糖汁煮得好香濃，炸得外脆內軟的滋粑，蘸點紅糖醬再蘸點黃豆粉，口感軟糯美味至極。希望可以快點有堂食，就可以相約良朋好友大食大喝個痛快。