鮨政 (Closed)

今日和朋友遊歷香港仔，行完山之後，嚟到呢間壽司部試一試！🎗🎗五點刺身拼盤🎗🎗～三文魚， 色澤天然，魚肉細紋細緻而均勻～北海道帶子，非常清甜，肉質蠻結實。～甜蝦， 甜甜的蝦膠味。～赤身，油脂比例最少， 吞拿魚味最重。～油甘魚，油甘味重。🎗🎗銀鱈魚西京燒🎗🎗燒銀鱈魚好香，唔錯。🎗🎗車海老刺身🎗🎗新鮮彈牙，鮮甜可口，又大隻。搭配青檸檬汁，清新涼爽。蝦頭也炸過，一併上餐，一次過食哂兩種口感。🎗🎗鯛魚拉麵🎗🎗鯛魚味很出，非常之鮮甜，令我回想起日本吃過食過那種魚的味道。拉麵質感，又好食。 最後我連湯底都飲埋。鯛魚嘅份量都唔少，性價比高。整碗嘅薑蔥比例非常好，不會喧賓奪主。