Video
Read full review
2018-05-03
8906 views
每次嚟到旺角嘅創興廣場， 總會花多眼亂 唔知食咩嘢好 !左揀右揀之後， 最終都係選擇咗呢一間叫做一窩豐嘅任食火鍋。呢間任食火鍋價錢算係中規中矩，唔算太平唔算太貴， 但係就勝在樣樣食材都有品質保證!而今次我哋選擇咗每位$238既套餐。未開始食火鍋之前 先嚟食過刺身!今日大約七點半左右嚟到， 已經人頭湧湧座無虛席!而呢度嘅火鍋湯底絕對足料， 揀咗一款比較特別嘅湯底南瓜蘋果魚湯鍋而呢度除咗一般飲品可以飲飲之外 仲有我最愛嘅啤酒亦都任飲， 一啲都唔會吝嗇， 認真抵讚!火鍋送上之後 一盤海鮮拼盤立即送上， 所有海鮮食材都有大又新鮮， 海鮮拼盤包括有海斑，鮮鮑魚， 蘭花蚌和馬刀貝等， 完全同喺街市買嘅新鮮海鮮不相伯仲!而點菜紙上面嘅食材雖然都係比較大路嘅食材， 但係就同平時食嘅任食火鍋有分別， 明顯係比較新鮮!而牛肉方面係火鍋唔少得嘅一環， 呢度嘅牛肉除咗有滑牛外，仲有埋手切肥牛， 淨係牛肉都咁多選擇， 個人推薦手切肥牛， 有牛味而且有咬口， 真係唔係到到食得到!最後仲食埋雪糕， 真係食到認真飽飽喇!
每次嚟到旺角嘅創興廣場， 總會花多眼亂 唔知食咩嘢好 !左揀右揀之後， 最終都係選擇咗呢一間叫做一窩豐嘅任食火鍋。
呢間任食火鍋價錢算係中規中矩，唔算太平唔算太貴， 但係就勝在樣樣食材都有品質保證!
而今次我哋選擇咗每位$238既套餐。
未開始食火鍋之前 先嚟食過刺身!
今日大約七點半左右嚟到， 已經人頭湧湧座無虛席!
而呢度嘅火鍋湯底絕對足料， 揀咗一款比較特別嘅湯底南瓜蘋果魚湯鍋
而呢度除咗一般飲品可以飲飲之外 仲有我最愛嘅啤酒亦都任飲， 一啲都唔會吝嗇， 認真抵讚!
火鍋送上之後 一盤海鮮拼盤立即送上， 所有海鮮食材都有大又新鮮， 海鮮拼盤包括有海斑，鮮鮑魚， 蘭花蚌和馬刀貝等， 完全同喺街市買嘅新鮮海鮮不相伯仲!
而點菜紙上面嘅食材雖然都係比較大路嘅食材， 但係就同平時食嘅任食火鍋有分別， 明顯係比較新鮮!
而牛肉方面係火鍋唔少得嘅一環， 呢度嘅牛肉除咗有滑牛外，仲有埋手切肥牛， 淨係牛肉都咁多選擇， 個人推薦手切肥牛， 有牛味而且有咬口， 真係唔係到到食得到!
最後仲食埋雪糕， 真係食到認真飽飽喇!
Post
