品越越式料理 (康怡廣場北座)

Open Now

Now Closed

今日午餐去咗康怡既品越越式料理食，見到餐牌都好經濟抵食，不妨試試。午市餐牌有16款主食，有河粉檬粉同飯，包熱飲，凍飲加$4，可以優惠價轉特飲。另外可以特價追加小食。今日主要叫兩個餐再追加野食。品越火車頭湯河粉 $83 另加一品越火車頭湯河粉size正常，無想像中大碗。先飲一啖湯，牛味濃而不油，好飲，希望無味精。配料有薄切牛肉片，兩粒牛丸，兩片牛柏葉，兩塊牛展，同一塊牛腩。總括而言配料質素就麻麻地，牛肉片太薄，牛腩太硬又薄。牛柏葉都可以，牛丸就少少羶味，口感唔錯。河粉幼身，好滑溜，浸湯浸耐咗都仲好食，連脆口芽菜同洋蔥一齊食更有多重口感。面頭加上薄荷葉同蔥花。另外配有青檸一塊同辣椒自由添加。蝦餅扎肉撈檬 $76 另加一蝦餅同札肉分開上，蝦餅一客4片，口感味道都唔錯，熱辣辣上枱。扎肉就一客兩片。檬粉大大碗，係正常質素幼身檬粉，上面有沙律菜，青瓜絲，芽菜，同少少脆脆同蔥花，自己加枱上既魚露撈，味道清新不俗。跟餐加咗兩份小食。牛肉串燒 跟餐 加$32 另加一串燒可揀幾款肉類當中既一款，我地揀咗牛肉。串燒一客兩串，一串大概有3，4塊牛肉，燒得唔錯，味道夠惹味，口感就勉強可以。另配沙爹醬，點咗食更邪