Video
Read full review
2015-10-15
3017 views
話說之前都有幫襯過帝都酒店city art既buffet...都質素唔錯...今次專程為呢個餵食朋友book枱…實行比個surprise佢啦…今次係食brunch...但原來唔係自助buffet黎…野食列哂係menu度...waiter會推車仔續張枱派食物…如想再添食…亦可以問waiter拎…反而飲品係自助…加58有果汁（橙，蘋果，芒果，西瓜）…加88有埋sangria...仲可以自己diy...調較份量味道…都ok...頭盤每樣野都細細碟…但唔係好配合呢個西班牙主題咁…野食非常普通…蠔係送既…好細隻…重咸水味…之後等左好耐先有車仔推野食出黎…蝦肉丸都ok好味…三文魚薯蓉一般…辣肉腸似極厚薯片…羊腿西冷超生無味…隔離枱太太仲投訴有無兩成熟呢！？等左好耐先有成隻西班牙乳豬出場…相信係位位顧客期待主菜之選…一睇就知唔掂…皮唔脆…肉嫩但無味…可以話重差過一碟係燒味舖既乳豬飯…隔離枱太太已經按奈不住埋單走人！！最後就係甜品…香蕉旦糕幾香...但唔夠鬆軟…布朗尼朱古力味都ok...整個brunch唯一有添食既…就只有呢碟蘋果金寶同雪糕…甜而香脆…整個brunch由12點食到2點半…雖然都叫做係b
話說之前都有幫襯過帝都酒店city art既buffet...都質素唔錯...今次專程為呢個餵食朋友book枱…實行比個surprise佢啦…
今次係食brunch...但原來唔係自助buffet黎…野食列哂係menu度...waiter會推車仔續張枱派食物…如想再添食…亦可以問waiter拎…
反而飲品係自助…加58有果汁（橙，蘋果，芒果，西瓜）…加88有埋sangria...仲可以自己diy...調較份量味道…都ok...
頭盤每樣野都細細碟…但唔係好配合呢個西班牙主題咁…野食非常普通…
蠔係送既…好細隻…重咸水味…之後等左好耐先有車仔推野食出黎…
蝦肉丸都ok好味…三文魚薯蓉一般…辣肉腸似極厚薯片…羊腿西冷超生無味…隔離枱太太仲投訴有無兩成熟呢！？
等左好耐先有成隻西班牙乳豬出場…相信係位位顧客期待主菜之選…一睇就知唔掂…皮唔脆…肉嫩但無味…可以話重差過一碟係燒味舖既乳豬飯…隔離枱太太已經按奈不住埋單走人！！
最後就係甜品…香蕉旦糕幾香...但唔夠鬆軟…布朗尼朱古力味都ok...整個brunch唯一有添食既…就只有呢碟蘋果金寶同雪糕…甜而香脆…
整個brunch由12點食到2點半…雖然都叫做係buffet…但卻要等出菜…實在食得無隱…最慘係等得耐而唔好食…真係哂$哂時間呀…今次驚喜就無哪…驚奇點解酒店質素咁差就有！！？？
Post
