9 3/4 cafe (Closed)

2023年第一個post，就帶大家去到呢間旺角樓上舖，進入一個奇幻世界，餐廳以哈利波特🧙‍♀️為主題，並用上9¾月台為藍本，有好多不同嘅道具俾大家打卡，如：月台手推車、魔法棒、貓頭鷹籠、模型擺設等，甚至連食物菜式名，飲品擺設，都融入哈利波特嘅元素，做得非常精細，值得黎一探究竟。1️⃣ 卷卷蝦 $58外表好靚😍 將薯仔刨成絲再包著蝦肉，薯絲炸完之後勁脆，配埋個酸甜醬汁，真係好味又開胃。2️⃣ 噗噗蘭 $48其實係芝士焗西蘭花，表面佈滿半融芝士🧀仲可以拉絲，而且份量都唔少。3️⃣ 澳洲蛋白眼龍$118呢個黑松露帶子蘑菇意粉，一上枱就已經聞到好香黑松露味，加上有5-6粒大大粒既帶子，意粉又軟硬適中，好味😋4️⃣ 巨人的小屋（羊膝）$208加左$30轉農夫包，黎到俾個份量嚇親，估唔到咁大份，個農夫包熱辣辣好香脆，紅酒汁🍷味道適中，個羊膝🐑肉質都幾淋滑，配埋個醬汁真係一流。5️⃣ 奶油啤酒 $50個賣相完全同啤酒🍻無異，但其實一啲只係由幾款汽水混合而成，面層嘅忌廉都幾滑，飲落甜甜的。6️⃣ 朱古力魔豆 $50好香朱古力味，配上香滑嘅咖啡☕️仲有靚靚拉花😍7️⃣ 青腫消除劑 $60其實係青蘋果梳打，味道酸酸甜甜，可以解膩，又可以