蝦蝦燒

Open Now

Now Closed

之前食過佐敦分店覺得不錯，今次試下荃灣店大鴻輝分店嘅蝦蝦燒，野食款式一樣都係咁多，今晚海鮮有扇貝、鮑魚、帶子、魚、蜆、蠔等等，仲有大大隻魷魚，帶子扇貝加捚蒜蓉牛油一齊燒仲正，自助區仲有粉絲提供比客人啊，生蠔建議擺下層燒，燒完出黎面頭係焦脆入面仲係鮮嫩，之前試過佐敦店所以對夾流水蝦技巧冇難度，而自助區既串燒種類繁多，包括多款肉類、蔬菜同海鮮，可隨心搭配，店員送左一份白鱔，竟然燒完出黎有驚喜喎，自己燒到個皮焦脆，但白鱔本身個肉質厚實，咬落脆彈，好食喎，總類又多而且仲有3個鐘任飲任食今次又要捧住個肚走啦。